Вялікабрытанія праз два тыдні пераходзіць на лічбавыя візы. Што зменіцца?
З 25 лютага Вялікабрытанія ўводзіць электронныя візы (eVisa). Гэта значыць, што цяпер замест звычайнай візавай наклейкі наведвальнікі краіны, у тым ліку грамадзяне Беларусі, будуць атрымліваць лічбавы іміграцыйны статус, тлумачыць на сваёй старонцы ў фэйсбуку брытанская амбасада ў Мінску.
Амбасада Вялікабрытаніі ў Мінску. Фота: ukvisa.com.ua
Што змяняецца:
- цяпер трэба будзе прыйсці ў візавы цэнтр толькі адзін раз для пацвярджэння асобы. Анкету можна запаўняць анлайн, а запіс на біяметрыю застаецца;
- пашпарт вяртаецца ў той жа дзень — наклейку атрымліваць асобна не трэба;
- неабходна стварыць уліковы запіс на сайце UKVI, каб мець доступ да свайго іміграцыйнага статусу анлайн;
- авіякампаніі, паромы, круізныя аператары і памежная служба будуць аўтаматычна правяраць права на ўезд праз лічбавыя сістэмы;
- пашпарт, з якім вы падарожнічаеце, павінен быць звязаны з вашым уліковым запісам UKVI.
Перавагі электроннай візы:
- падача дакументаў становіцца хутчэйшай і прасцейшай;
- доступ да інфармацыі пра візу ў любы час і з любога пункта;
- больш бяспечна — электронную візу нельга згубіць, скрасці ці падрабіць.
Гэтая змена прэзентуецца як частка шырэйшага пераходу Вялікабрытаніі на лічбавыя візы для ўсіх, хто адпавядае патрабаванням.
Францыя памяняла правілы выдачы шэнгенскіх віз для беларусаў
На французскі «шэнген» цяпер можна запісацца самастойна — некаторыя ўжо атрымалі слоты
Без віз цяпер можна трапіць у Лаос
«Хто ўвогуле такія беларусы». Сям'я аплаціла тур на Каба-Вэрдэ, але не змагла атрымаць візы ні ў адным консульстве Еўропы
Каментары