«Я ні пра што не шкадую. Я паспрабавала, марыла». Ліндсі Вон упершыню пракаментавала сваё жахлівае падзенне на Алімпіядзе
Легендарная амерыканская гарналыжніца ўпершыню пракаментавала сваё падзенне ў хуткасным спуску, што адбылося ў нядзелю.
Адпаведны допіс 41‑гадовая спартсменка апублікавала на сваёй старонцы ў Instagram.
«Мая алімпійская мара скончылася не так, як я марыла. Гэта была не казка, а рэальнае жыццё. Я адважылася марыць і шмат працавала, каб гэтая мара спраўдзілася. Але ў хуткасным спуску розніца паміж аптымальнай гоначнай лініяй і катастрафічнай траўмай можа складаць усяго 5 цаляў.
Мая гоначная лінія проста была на 5 цаляў вышэй, чым трэба. Рука зачапілася за вароты [сцяжка], мяне развярнула, і гэта прывяло да падзення. Мая пярэдняя крыжападобная звязка і папярэднія траўмы тут ні пры чым.
На жаль, я атрымала складаны пералом галёнкі. Цяпер костка стабільная, аднак спатрэбяцца шматлікія аперацыі, каб яе аднавіць. Нягледзячы на інтэнсіўны боль, які я адчувала, я ні пра што не шкадую. Стаяць у стартавых варотах — гэта было неверагоднае адчуванне, якое я ніколі не забуду. Усведамленне таго, што я стаяла там з шансамі перамагчы, ужо само па сабе з’яўляецца перамогай. І я ведала, што ўдзел у гонцы — гэта рызыка. Гэты спорт заўсёды быў і заўсёды будзе небяспечным.
Я паспрабавала. Я марыла. Спадзяюся, што з маёй гісторыі вы вынясеце тое, што ва ўсіх вас ёсць смеласць марыць. Жыццё занадта кароткае, каб адмаўляцца ад сваіх шанцаў. Бо адзіная параза — гэта не паспрабаваць. Я веру ў вас гэтак жа, як вы верылі ў мяне», — напісала амерыканка.
30 студзеня Вон падчас этапу Кубка свету ў Швейцарыі парвала пярэднюю крыжападобную звязку левага калена. Нягледзячы на такую цяжкую траўму, 41‑гадовая амерыканка адважылася выступіць на Алімпіядзе, дзе зноў упала.
Ліндсі — адна з самых тытулаваных гарналыжніц у гісторыі. Увосень 2024 года яна вярнулася ў спорт пасля пяцігадовага перапынку і замены каленнага сустава ў левай назе.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары
А замест яе, бо яна наогул не мела шансау, мог бы выступiць хтойта iншы, здаровы, якi таксама хацеу бы мець свой шанец. Але яна не дала яму гэтага шанса. Усё забрала сабе.
I усё гэта нам нiкога i нiчога не нагадвае з нашага жыцця?
заняла чьё-то место, зная, что ничего не получится. чудес не бывает.
все крутые свои достижения этим она в моих глазах полностью обнулила.
и это не хейт. это правда.
так бывает. был человек-легенда, а оказался .... и даже не сожалеет.