Падрабязнасці нападу падлеткаў з бітай і пісталетамі на катэдж у Смалявіцкім раёне
Следчыя працуюць на месцы здарэння па факце ўзброенага нападу ў Смалявіцкім раёне.
У ходзе размовы з міністрам унутраных спраў Іванам Кубраковым затрыманыя распавялі, што атрымалі прапанову аб падпрацоўцы ў тэлеграме. Замежнікам загадалі прыбыць у Будагова Смалявіцкага раёна, знайсці дом ахвяры, збіць мужчыну і даслаць відэасправаздачу заказчыку.
За выкананую працу абяцалі 300 тысяч рублёў. Імаверна, гэта ў расійскіх рублях, але МУС не ўдакладняе.
Трое маладых людзей ва ўзросце 17 і 18 гадоў прыехалі ў Мінск, узброіўшыся нажом, кастэтам, бітай, пісталетамі, газавым балончыкам, узялі каршэрынгавы аўтамабіль і накіраваліся для выканання задання.
Выкарыстоўваючы фізічную сілу, біту і пісталеты, яны нанеслі шматлікія траўмы 63‑гадоваму гаспадару, яго 65‑гадовай жонцы і 67‑гадоваму брату.
У доме была трывожная кнопка Дэпартамента аховы МУС. Гаспадар дома паспеў яе націснуць перад разбіццём акна.
Супрацоўнікі міліцыі, якія аператыўна прыбылі на месца, заблакавалі дом і адразу затрымалі двух нападнікаў.
Трэці паспрабаваў збегчы з пісталетам, але быў затрыманы на тэрыторыі Смалявіцкага раёна.
«Я ехаў з працы раніцай са змены, ужо міліцыя ехала насустрач. Суседзі як суседзі, яны на той вуліцы жывуць, а мы на гэтай. Там машына часта стаяла на расійскіх нумарах, мы ж не ведаем, там прыехалі сваякі, сябры ці хто», — расказаў журналістам сусед.
Пацярпелыя былі шпіталізаваныя, але іх ужо адпусцілі з лякарні.
На месцы здарэння працуе следча-аператыўная група.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары