Легендарны форвард паведаміў, што, імаверна, больш не згуляе ў хакей у афіцыйных матчах, піша hokej.cz.
У гэтым сезоне хакеіст правёў 6 матчаў за «Кладна» ў чэмпіянаце Чэхіі і набраў 1 (0+1) выніковы бал. Для Яраміра гэта ўжо 38‑ы сезон у прафесійнай кар’еры.
«Заўзятары мяне больш не ўбачаць. Павінен адбыцца цуд. Бог павінен зрабіць мяне на пятнаццаць гадоў маладзейшым. Часам я катаюся. Але я набраў вагу падчас Алімпіяды. Нічога не рабіў, толькі еў і глядзеў тэлевізар, таму паправіўся на 4—5 кілаграмаў.
Фізічныя практыкаванні вельмі важныя, уся справа ў дысцыпліне. Найгорш, калі табе гэта не трэба. Але і прымушаць сябе — гэта жахліва. Я ўсё яшчэ падтрымліваю сябе ў форме, але не трэніруюся дужа шмат, каб гуляць», — сказаў Ярамір Ягр.
***
Ярамір Ягр нарадзіўся 15 лютага 1972 года ў Кладне. Дэбютаваў у прафесійным хакеі ў 1988 годзе за аднайменны клуб.
З 1990 па 2018 года гуляў у Нацыянальнай хакейнай лізе. У яго кар'еры былі «Пітсбург Пінгвінз», з якім стаў двойчы пераможцам Кубка Стэнлі, «Вашынгтон Кэпіталз», «Нью-Ёрк Рэйнджэрс», «Філадэльфія Флаерз», «Бостан Бруінз»,»Далас Старз», «Фларыда Пантэрз», «Нью-Джэрсі Дэвілз», «Калгары Флэймз».
Займае другое месца па балах у рэгулярных чэмпіянатах НХЛ і пятае месца ў плэй-оф Кубка Стэнлі. Займае чацвёртае месца ў гісторыі па колькасці праведзеных матчаў у чэмпіянатах НХЛ.
Тры факты пра Ягра ў НХЛ:
— з 1980‑га да 2021‑га ў кожным фінале Кубка Стэнлі гуляў хаця б адзін хакеіст, які быў партнёрам Ягра па камандзе;
— пакуль Ягр гуляў у лізе, Кіт Ткачак паспеў прайсці драфт, правесці 18 гадоў у НХЛ і выхаваць сына Мэцью, які прайшоў драфт у «Калгары» і стаў партнёрам Ягра па камандзе ў 2017-м;
— калі Ягр дэбютаваў у НХЛ, Internet Explorer яшчэ не існаваў. Калі Ягр завяршыў кар’еру ў НХЛ, Internet Explorer ужо не існаваў.
У 2011 годзе Ягр купіў клуб «Кладна», за які зноў выступае з 2019 года. Заўсёды гуляе ў джэрсі з нумарам 68 у памяць пра савецкую акупацыю Чэхаславакіі ў 1968 годзе.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары
[Зрэдагавана]