Lehiendarny forvard paviedamiŭ, što, imavierna, bolš nie zhulaje ŭ chakiej u aficyjnych matčach, piša hokej.cz.
U hetym siezonie chakieist pravioŭ 6 matčaŭ za «Kładna» ŭ čempijanacie Čechii i nabraŭ 1 (0+1) vynikovy bał. Dla Jaramira heta ŭžo 38‑y siezon u prafiesijnaj karjery.
«Zaŭziatary mianie bolš nie ŭbačać. Pavinien adbycca cud. Boh pavinien zrabić mianie na piatnaccać hadoŭ maładziejšym. Časam ja katajusia. Ale ja nabraŭ vahu padčas Alimpijady. Ničoha nie rabiŭ, tolki jeŭ i hladzieŭ televizar, tamu papraviŭsia na 4—5 kiłahramaŭ.
Fizičnyja praktykavańni vielmi važnyja, usia sprava ŭ dyscyplinie. Najhorš, kali tabie heta nie treba. Ale i prymušać siabie — heta žachliva. Ja ŭsio jašče padtrymlivaju siabie ŭ formie, ale nie trenirujusia duža šmat, kab hulać», — skazaŭ Jaramir Jahr.
***
Jaramir Jahr naradziŭsia 15 lutaha 1972 hoda ŭ Kładnie. Debiutavaŭ u prafiesijnym chakiei ŭ 1988 hodzie za adnajmienny kłub.
Z 1990 pa 2018 hoda hulaŭ u Nacyjanalnaj chakiejnaj lizie. U jaho karjery byli «Pitsburh Pinhvinz», ź jakim staŭ dvojčy pieramožcam Kubka Stenli, «Vašynhton Kepitałz», «Ńju-Jork Rejndžers», «Fiładelfija Fłajerz», «Bostan Bruinz»,»Dałas Starz», «Fłaryda Panterz», «Ńju-Džersi Deviłz», «Kałhary Fłejmz».
Zajmaje druhoje miesca pa bałach u rehularnych čempijanatach NCHŁ i piataje miesca ŭ płej-of Kubka Stenli. Zajmaje čaćviortaje miesca ŭ historyi pa kolkaści praviedzienych matčaŭ u čempijanatach NCHŁ.
Try fakty pra Jahra ŭ NCHŁ:
— z 1980‑ha da 2021‑ha ŭ kožnym finale Kubka Stenli hulaŭ chacia b adzin chakieist, jaki byŭ partnioram Jahra pa kamandzie;
— pakul Jahr hulaŭ u lizie, Kit Tkačak paśpieŭ prajści draft, pravieści 18 hadoŭ u NCHŁ i vychavać syna Mećju, jaki prajšoŭ draft u «Kałhary» i staŭ partnioram Jahra pa kamandzie ŭ 2017-m;
— kali Jahr debiutavaŭ u NCHŁ, Internet Explorer jašče nie isnavaŭ. Kali Jahr zaviaršyŭ karjeru ŭ NCHŁ, Internet Explorer užo nie isnavaŭ.
U 2011 hodzie Jahr kupiŭ kłub «Kładna», za jaki znoŭ vystupaje z 2019 hoda. Zaŭsiody hulaje ŭ džersi z numaram 68 u pamiać pra savieckuju akupacyju Čechasłavakii ŭ 1968 hodzie.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks28
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2020
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki20
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
[Zredahavana]