У студзені жыхар Бабруйска разам з сябрамі ўдзельнічаў у загонным паляванні ў Асіповіцкім раёне. У іх быў дазвол на адстрэл дзіка. Аднак падчас палявання 40‑гадовы мужчына, паддаўшыся азарту, стрэліў у рысь, якая нечакана з’явілася перад ім, паведамляе Следчы камітэт.
Рысь адносіцца да відаў, якія асабліва ахоўваюцца, і занесеная ў Чырвоную кнігу, таму яе адстрэл дазволены толькі праз адмысловы дазвол.
Пра сваю памылку паляўнічы нікому не паведаміў і пакінуў тушу на месцы. Пазней забітую рысь у снезе, аднак, знайшлі супрацоўнікі інспекцыі аховы жывёльнага і расліннага свету, пасля чаго на месца выклікалі следчых.
Цяпер у дачыненні да мужчыны завялі крымінальную справу за незаконнае паляванне, якое прычыніла шкоду ў асабліва буйным памеры. Акрамя таго, яму давядзецца кампенсаваць нанесеную прыродзе шкоду — 13,5 тысячы рублёў.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі13
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1212
Каментары
Сямейка шуневічаў - першыя браканьеры ў Беларусі.