Padatak na sabak zrobiać abaviazkovym dla ŭsich ich uładalnikaŭ
U Minsku z 1 lipienia 2026 hoda źmienicca paradak naličeńnia padatku na sabak. Ciapier jaho buduć abaviazanyja płacić usie ŭładalniki, kali budzie ŭstanoŭlena, što žyviolina faktyčna žyvie ŭ kvatery, niezaležna ad taho, zarehistravanaja jana ci nie, piša ahienctva «Minsk-Naviny».
Pavodle dziejnych pravił, sabaku treba zarehistravać u słužbie «Adno akno» pa miescy žycharstva. Pracedura biaspłatnaja i pravodzicca ŭ dzień padačy zajavy.
Padatak uładalniki pavinny płacić štokvartalna z taho momantu, jak žyviolinie spaŭniajecca try miesiacy.
Da 1 lipienia budzie dziejničać pierachodny pieryjad. U apłatnych paviedamleńniach źjavicca napamin pra nieabchodnaść rehistracyi svojskich žyvioł. Paśla hetaj daty padatak pačnuć naličvać usim uładalnikam, kali budzie paćvierdžana, što sabaka žyvie ŭ ich kvatery. Infarmacyju pra niezarehistravanych žyvioł płanujuć atrymlivać z roznych krynic.
U padatkovym zakanadaŭstvie niama normy, što padatak spahaniajecca tolki z zarehistravanych sabak, tamu navat biez aficyjnaj rehistracyi suma moža źjavicca ŭ kvitancyi.
Bazavaja staŭka padatku składaje 14 rubloŭ, dla sabak patencyjna niebiaśpiečnych parod — 67 rubloŭ. Adnak u stalicy ŭstanoŭlenaja panižanaja staŭka — 11 rubloŭ 10 kapiejek za kvartał za adnaho sabaku. Padvyšanaja staŭka pakul nie prymianiajecca, bo aficyjny śpis niebiaśpiečnych parod nie zaćvierdžany.
Ad vypłaty vyzvalajucca asobnyja katehoryi hramadzian:
- ludzi ź invalidnaściu, jakija majuć sabaku-pavadyra;
- invalidy I i II hrup;
- invalidy III hrupy — dla adnaho sabaki;
- piensijaniery — dla adnaho sabaki;
- baćki dziaciej ź invalidnaściu;
- šmatdzietnyja siemji — dla adnaho sabaki;
- žychary adnakvaternych abo błokavych damoŭ — dla adnaho sabaki.
Za adsutnaść rehistracyi praduhledžanaja administracyjnaja adkaznaść — štraf ad 1 da 15 bazavych adzinak. Kali padatak naličany, ale nie apłačany, štraf składzie 15% ad niavypłačanaj sumy, ale nie mienš za pałovu bazavaj adzinki.
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary
Što zanadta to nia zdravie . Mnie i ŭsioj majoj familii bolš nia padabajecca auta ŭładalniki , jakija truciać pavietra. Kožnana dziacionka mahčyma navučyć kab jon abychodziŭ łajno sabačče . Nia možna zabaranić jamu dychać . Kolki mreć ad sabak ? A kolki ad drennaha pavietra? Naviedajsia ŭ Baraŭlany .
Za śviato , vadu , aciapleńnie... i tak ludzi płociać . Ježa za svai hrošy . Taki za što ?