Новы закон, які ўступіў у сілу з 1 студзеня, забараняе адзін з відаў дрэсіроўкі хатніх сабак.
Гаспадары цяпер не могуць вучыць сабак-кампаньёнаў нападаць на людзей. Такая дрэсіроўка не была забаронена да 2025 года, аднак цяпер сітуацыя змянілася.
Згодна з Законам «Аб адказным абыходжанні з жывёламі», не дапускаецца нацкоўванне сабак, то бок іх прымус да нападу на фізічных асоб і іншых жывёл, пішуць «Мінск-Навіны».
Гэта азначае, што вядомая каманда «фас» цяпер фактычна пад забаронай.
Аднак ёсць і выключэнні. Забарона «не распаўсюджваецца на жывёл, якія выкарыстоўваюцца ў мэтах аховы жыцця і здароўя ўладальніка жывёлы і (або) яго сваякоў альбо іх маёмасці». Юрыдычна сітуацыю павінен растлумачыць урад у спецыяльнай пастанове.
Каментары