Беларускі аўтамабільны завод (БелАЗ) прадставіў новы 50‑тонны бульдозер БЕЛАЗ-78542 — адзін з самых магутных прадстаўнікоў цяжкай спецтэхнікі ў сваёй лінейцы.
Машына прызначаная для працы ў складаных умовах кар’ераў. Яна выкарыстоўваецца для зняцця і перамяшчэння вялікіх аб’ёмаў горнай масы і грунту, а таксама для дакладнага выраўноўвання кар’ерных пляцовак.
Бульдозер забяспечаны рухавіком магутнасцю 550 конскіх сілаў (404 кВт) — самым магутным у мадэльным шэрагу. Максімальная хуткасць складае да 35 км/г. Паліўны бак аб’ёмам 715 літраў дазваляе працаваць цэлую змену без дадатковай запраўкі.
Акрамя таго, тэхніка мае інтэлектуальную трансмісію і сістэму IMS. Кабіна зроблена з улікам эрганомікі, мае добрую агляднасць і сучасныя сістэмы абароны.
Пасля заканчэння завадскіх выпрабаванняў машыну чакае праверка ўсіх заяўленых характарыстык ужо ў рэальных умовах эксплуатацыі ў кар’еры.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары
Будзе як і з аўтобусамі МАЗ.