Кажа, што адважыцца на аперацыю і зноў легчы пад нож было вельмі складана.
Паралімпіец, праўладны актывіст і прыхільнік вайны Аляксей Талай нядаўна апублікаваў у сацсетках фотаздымкі з бальніцы. Ён прызнаўся, што шалёна баяўся, але ж зрабіць аперацыю было неабходна, каб зноў дыхаць.
Сёння Талай распавёў, што аперацыя адбылася ў аўторак у РНПЦ отарыналарынгалогіі ў Мінску.
«Ужо даўно наспела аперацыя па выпраўленні пераламанага яшчэ ў юнацтве пераносся і пашырэнні пратокаў для дыхання… Асабліва ў апошні час падсеў менавіта на сасудазвужальныя прэпараты, якія можна выкарыстоўваць усяго некалькі тыдняў максімум (потым ідзе каласальная шкода здароўю, галаве), а там ужо ішлі месяцы і месяцы — каб хоць дзейнічаць па ўсіх справах і праектах…», — напісаў Аляксей у сваім тэлеграм-канале.
Ён распавёў, што аперацыя няпростая і даволі балючая, але ж чакае добрых вынікаў і пачатку новага жыцця, у якім можна нармальна дыхаць.
Зараз Талай усё яшчэ знаходзіцца ў бальніцы.
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў31
Каментары