Ціхану Осіпаву, якога асудзілі за наезд на вайскоўцаў на пратэстах на 11 гадоў, дадалі яшчэ паўтара года калоніі
Гэта трэці суд над палітвязнем.
Палітвязню Ціхану Осіпаву, 30‑гадоваму інжынеру БНТУ, дадалі яшчэ паўтара года зняволення, паведамляе «Вясна».
У сярэдзіне сакавіка ў судзе Мазырскага раёна адбыўся ўжо трэці суд над палітвязнем Ціханам Осіпавым. Яго прызналі вінаватым паводле ч. 2 арт. 411 Крымінальнага кодэкса і дадалі яму яшчэ паўтара года калоніі ў дадатак да 11 гадоў і сямі месяцаў зняволення.
У 2022 годзе яго ўжо судзілі паводле гэтага ж артыкула. Да суду палітвязня на паўгода змясцілі ў ПКТ (памяшканне камернага тыпу), а да гэтага ён некалькі месяцаў правёў у ШІЗА.
Ціхана Осіпава ў траўні 2021 года асудзілі на 11 гадоў калоніі ўзмоцненага рэжыму за наезд на пяць вайскоўцаў падчас пратэстаў у жніўні 2020 года, удзел у масавых беспарадках, а таксама за ілжывы данос (пасля ДТЗ хлопец заехаў на машыне ў вадаём, пакінуў яе там і заявіў аб згоне). Пад вартай Ціхан утрымліваецца з 14 жніўня 2020 года.
Цяпер чытаюць
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам23
Каментары