Сям’я з Расіі ганяла па Беларусі на касмічнай хуткасці, а цяпер ганарыцца колькасцю аплачаных штрафаў
Вікторыя Сляткова пахвалілася ў Threads сумнеўным дасягненнем. Падчас адпачынку ў Беларусі яна з мужам сабрала штрафаў за перавышэнне хуткасці больш чым на 3600 рублёў. На абурэнне беларусаў жанчына рэагуе з насмешкай: «Мы заплацілі за гэтае беззаконне!»
Сама Вікторыя родам з Беларусі, але жыве з мужам-расіянінам на яго радзіме. Нядаўна Слятковы паехалі ў госці да сваякоў жанчыны на сваім Genesis G70 — прэміяльным брэндзе Hyundai. І вырашылі не стрымліваць сябе на беларускіх дарогах.
Як вынік — больш за дзесяць штрафаў за перавышэнне хуткасці на агульную суму больш чым на 3600 рублёў. Лічбы на квітанцыях уражваюць — схаваныя камеры зафіксавалі перавышэнні хуткасці на 25‑76 кіламетраў на гадзіну.
Але ж сама Вікторыя бачыць у гэтым нагоду для жартаў і нават гонару. У Threads яна апублікавала фотаздымак з гарой лістоў шчасця ад ДАІ і падпісала яго: «Вось так выглядае паездка ў Беларусь на 100 тысяч [расійскіх] рублёў». Не забыла і дадаць шмат смайлаў. Выглядае, што жанчына сапраўды лічыць такія прыгоды смешнымі.
У каментарыях беларусы абураюцца безадказнымі паводзінамі Вікторыі і яе мужа — менавіта ён кіраваў аўтамабілем: «Усе бравыя хлопцы потым соплі на кулак намотваюць у судзе, калі людзей на той свет адпраўляюць. Колькі ўжо такіх бачылі і колькі яшчэ, на жаль, убачым. Самі жыць не хочаце — ваша справа. Дык вы ж яшчэ людзей на той свет забіраеце», «А потым абураюцца: «Чаму бульбашы так незадаволены?» Тут каралі прыехалі ў наш утульны дом і лётаюць у населеных пунктах 129 кіламетраў у гадзіну. Мякка кажучы, непавага».
Вікторыя ж на такое рэагуе зноў шматлікімі смайламі. Яна адказвае, ім падабаецца ездзіць хутка. І нават пацвярджае, што сама казала мужу за стырном: «Гані!».
На рэпліку: «Гэта п…ц! 147, 136, дзе абмежаванні 60-70… Быццам бы і ганарыцеся гэтым», жанчына напісала: «Так, ганарымся, і што?».
Адзінае, што Вікторыю засмучае ва ўсёй гісторыі — гэта тое, што навігатар не папярэдзіў пра схаваныя камеры ДАІ.
Нехта спрабаваў жартаваць у адказ і дзякаваў за папаўненне беларускага бюджэту. Але большасць пісала даволі жорсткія каментары. Некаторыя нават пыталіся, дзе падпісаць петыцыю на забарону на ўезд у Беларусь гэтай сям’і і тэгалі афіцыйны акаўнт беларускай міліцыі.
Хтосьці папярэдзіў, што, калі ў наступны раз спыніць ДАІ, толькі штрафам абысціся не атрымаецца — хутчэй за ўсё, пазбавяць пасведчання кіроўцы.
Пры гэтым Вікторыя запэўнівае, што штрафы ўжо аплачаны — бо катацца да сваякоў у Беларусь яны і далей плануюць. А ўсім шакаваным беларусам адказвае: «Мы заплацілі за гэтае беззаконне!»
«Камера настолькі крутая, што можна ўбачыць мадэль тэлефона». Кіроўцы расказваюць, як ДАІ адсачыла іх з тэлефонам за стырном
Расіянку-іпэшніцу, якая пераехала ў Слонім, у Беларусі прызналі дармаедкай
«Мне быццам нас*алі ў кубак, а потым затушылі туды недакуркі»: расіянка раскрытыкавала мінскі аэрапорт
«Якія вы ўсе смярдзючыя, агідныя, апранаецеся быццам на памыйцы»: прыгажуня з Растова раскрытыкавала беларусак
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
Пішыце нармальнай беларускай мовай.
Хто прыдумаў гэтае дэбільнае "лісты шчасця"?