Кім Чэн Ын пераабраны на пасаду старшыні дзяржаўных спраў КНДР. Яго аднагалосна абраў тамтэйшы ВНС
Пераабранне адбылося на Вярхоўным народным сходзе КНДР, што прайшоў учора, 22 сакавіка.
Кім Чэн Ын пераабраны на пасаду старшыні дзяржаўных спраў КНДР
«ВНС пятнаццатага склікання ўрачыста абвясціў усяму свету гістарычнае рашэнне аб вылучэнні на найвышэйшую пасаду Рэспублікі выбітнага кіраўніка чучхэйскай рэвалюцыі таварыша Кім Чэн Ына паводле адзінай волі і спадзяванняў усяго карэйскага народа», — паведаміла Паўночнакарэйскае тэлеграфнае агенцтва».
З прапановай аб пераабранні Кім Чэн Ына выступіў дэпутат Лі Іль Хван. Ён заявіў: «На гэтай планеце толькі моцны мае права абараняць годнасць і бяспеку дзяржавы, і менавіта веліч таварыша Кім Чэн Ына з’яўляецца галоўнай сілай Карэі. Магутнасць Карэі заключаецца не толькі ў узбраенні, але і ў перакананасці ў самаразвіцці і палітычнай смеласці кіраўніка. Яшчэ адна сіла — гэта адзінства і згуртаванасць усяго грамадства, дзе воля кіраўніка стала воляй народа. У гэтай краіне ёсць верны народ, які, нават у цяжкасцях, падтрымлівае ідэі кіраўніка, і ёсць узброеныя сілы, якія лічаць абсалютную адданасць абавязкам».
Фота: KCNA
Кім Чэн Ын кіруе КНДР з 2011 года, Перад гэтым кіравалі яго дзед Кім Ір Сэн (1949—1994) і бацька Чэн Ір (1994-2011)
-
«Паліць нафтаперапрацоўчыя заводы». Кіт Келаг параіў, што трэба рабіць Украіне пасля папярэджанняў Трампа
-
У Францыі хакеры ўзламалі халадзільнікі ў сотнях супермаркетаў. Замест мінусавой тэмпературы яны сталі даваць плюсавую
-
У Германіі затрымалі падазраваных у падпале станцыі Starlink у Польшчы. Яны іншаземцы
Каментары