Яны стаялі на тэрыторыі Беларусі з лістапада 2025 года — пакуль не прыехаў Коўл.
Лукашэнка прыняў рашэнне аб магчымасці выезду фур з літоўскай рэгістрацыяй.
Такія транспартныя сродкі з лістапада 2025 года знаходзяцца на тэрыторыі Беларусі пасля закрыцця Літвою беларуска-літоўскай мяжы.
У цяперашні час на спецыяльна абсталяваных пляцоўках размешчана больш за 1900 транспартных сродкаў, у тым ліку цягачоў, прычэпаў і паўпрычэпаў, паведамляюць беларускія мытнікі.
Транспартныя сродкі на літоўскай рэгістрацыі змогуць пакідаць тэрыторыю Беларусі праз літоўскі напрамак, літоўскія транспартныя сродкі, якія фактычна належаць польскім перавозчыкам, змогуць выязджаць у тым ліку і праз польскі напрамак, паведамляе ДМК.
Мытнікі дадаюць, што аплата за захаванне фур «у разы ніжэйшая за вызначаную раней» — раней Лукашэнка назваў цану ў 120 еўра ў суткі. Калі грошы заплацілі — транспартныя сродкі могуць ужо выязджаць.
Пасля візіту спецпасланніка ЗША Джона Коўла, Аляксандр Лукашэнка паабяцаў, што грузавікі пачнуць вяртаць. Літоўскі ўрад да перамоваў з Беларуссю на гэты конт так і не пайшоў.
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны4
Каментары