Ад 20 да 55 капеек. Стала вядома, дзе ў Беларусі найвыгадней набываць бярозавік
У Беларусі ў 2026 годзе цэны на бярозавік амаль не змяніліся, але паміж рэгіёнамі розніца даволі значная — у некаторых выпадках у два разы, піша Telegraf.news.
Самы танны бярозавы сок — у Брэсцкай вобласці. Там у лясніцтвах яго можна купіць прыкладна па 20—23 капейкі за літр. Аднак калі браць на спецыяльных гандлёвых пляцоўках «Лясная хатка», то цана ўжо вышэйшая — каля 50—55 капеек.
У Віцебскай і Гомельскай абласцях цэны прыкладна аднолькавыя. У лясніцтвах — каля 42 капеек за літр, крыху даражэй у гандлёвых пунктах (каля 44 капеек), а ў фірмовых павільёнах «Лясная хатка» — да 55 капеек. Пры гэтым у Віцебскай вобласці танней, калі прыходзіць са сваёй тарай.
У Гродзенскай вобласці цэны крыху вышэйшыя: каля 44 капеек за літр у сваю ёмістасць. Калі купляць у бутэльках, атрымліваецца даражэй — напрыклад, 5 літраў каштуюць каля 4 рублёў.
У Мінскай вобласці і асабліва ў Мінску — самыя высокія цэны. У лясніцтвах — каля 42 капеек, у раённых цэнтрах — каля 48, а ў сталіцы — да 55 капеек за літр.
Такім чынам, найбольш выгадна купляць бярозавы сок непасрэдна ў лясніцтвах, асабліва ў Брэсцкай вобласці. Найдаражэй ён абыходзіцца ў гарадах, асабліва ў Мінску, і ў фірмовых гандлёвых пунктах «Лясная хатка».
Каментары