Прэм’ер-міністарка Літвы Інгa Ругінене заявіла, што для магчымай сустрэчы з прадстаўнікамі Беларусі ўжо прызначаны адказны прадстаўнік. У той жа час яна падкрэсліла, што такая сустрэча магчымая толькі пры выкананні пэўных умоў з беларускага боку, паведамляе LRT.
«Мы, безумоўна, маглі б правесці гэтую сустрэчу, у нас ёсць адказны чалавек, прызначаны для гэтага, але мы выразна паслалі сігнал як нашым стратэгічным партнёрам, так і ўсяму грамадству, што мы маем і пэўныя ўмовы. Не можа быць так, што адзін бок рыхтуецца, а другі бок нічога не робіць», — цытуе Ругінене LRT.
Сярод асноўных патрабаванняў — спыненне пералётаў праз мяжу паветраных шароў, якія выкарыстоўваюцца для кантрабанды, вяртанне затрыманых грузавікоў без дадатковых выплат, а таксама недапушчэнне нелегальнай міграцыі.
Ругініене адзначыла, што без выканання гэтых умоў руху наперад не будзе, і Літва не бачыць дастатковай гатоўнасці да супрацоўніцтва з боку Мінска.
Раней прадстаўнік прэзідэнта ЗША Джон Коўл прапаноўваў арганізаваць сустрэчу без папярэдніх умоў і аднавіць транзіт угнаенняў праз Літву. Але літоўскі бок падкрэсліў, што ЗША не настойваюць на гэтым пытанні, а таму абмяркоўваць яго пакуль рана.
Таксама адзначаецца, што палітычны дыялог паміж краінамі магчымы толькі ў выпадку, калі Беларусь прадэманструе больш добразычлівыя дзеянні.
Літоўскі бізнэсмен прапанаваў дазволіць транзіт беларускіх угнаенняў, а грошы траціць на абарону
Ціханоўская расказала пра ліст да прэм'ера Літвы і адсутнасць адказу
Да чаго прывядзе зняцце санкцый ЗША з калію і банкаў
Наўседа: Дыялог з Мінскам магчымы, толькі калі Беларусь праявіць суседскую добрую волю
Прэм'ер Літвы: Можна разгледзець сустрэчу з Беларуссю на ўзроўні віцэ-міністраў, але ў Вільні ёсць умовы
Каментары
І не. Аніякага дабразычліўства Літве чакаць ня варта. Тэрарысты заўсёды падманваюць, бяруць закладнікаў (у тым ліку літоўскіх грамадзян), і ў выніку ладзяць злачынства. Таму і стасавацца з імі патрэбна менавіта як з групоўкай крымінальнікаў, а не "афіцыйнай дзяржавай". Інакш наўрадці атрымаецца нешта плённае. Ды і за прыкладам далёка хадзіць ня трэба: Украіна ўжо неяк дапамагла лукашне з транзітам калію... Таму называйце рэчы сваімі імёнамі - і будзе вам шчасьце. Але, падобна, гісторыя з фурамі ды літоўцамі ў палоне так нічому і не навучылі.