У Грэцыі папярэдзілі пра дэфіцыт сыру фета, бо сталі масава хварэць авечкі
У Грэцыі папярэджваюць пра магчымы дэфіцыт сыру фета, бо ў краіне распаўсюдзілася воспа авечак і коз. З-за гэтай хваробы значна скарацілася колькасць жывёлы, а разам з тым і вытворчасць малака, паведамляе Euronews.
Успышка пачалася яшчэ ў мінулым годзе і моцна ўдарыла па грэчаскай сельскай гаспадарцы, асабліва ў цэнтральных і паўночных рэгіёнах. Каб спыніць распаўсюд захворвання, улады былі вымушаныя масава знішчаць жывёлу. Да пачатку сакавіка было забіта больш за 480 тысяч авечак і коз.
Фермеры кажуць, што апынуліся ў цяжкай сітуацыі: ім даводзіцца доўга знаходзіцца на каранціне, несці дадатковыя выдаткі і не мець магчымасці нармальна выпасваць жывёлу. Яны баяцца новых успышак хваробы, бо гэта яшчэ больш ускладніць іх працу.
З-за рэзкага змяншэння пагалоўя жывёлы значна ўпала вытворчасць малака. Гэта ўжо ўплывае на выпуск феты — аднаго з галоўных экспартных прадуктаў краіны. Асабліва моцна сітуацыя адчуваецца ў рэгіёне Фесалія, дзе вырабляецца вялікая частка гэтага сыру.
Паводле ацэнак спецыялістаў, у 2026 годзе недахоп феты можа дасягнуць каля 20 тысяч тон, бо малака проста не хапае для ранейшых аб’ёмаў вытворчасці.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары