«Ён думае, што можа адчуваць сябе гаспадаром становішча і цяпер мае магчымасць аказваць ціск на сваіх суседзяў», — сказала Інгрыда Шыманіце.
Пасля таго, як спецыяльны пасланнік ЗША па Беларусі Джон Коўл заклікаў Літву аднавіць адносіны з Мінскам, экс-прэм'ерка Інгрыда Шыманіце сцвярджае, што адміністрацыя Дональда Трамп аддае перавагу не заўважаць, па яе словах, рэжым Лукашэнкі, што працуе канвеерным спосабам, паведамляе LRT.
«Я думаю, што ён (Лукашэнка) проста дэманструе сілу і карыстаецца тым, што, на жаль, цяперашняя адміністрацыя ЗША не мае такога добрага разумення рэжыму Лукашэнкі, якое ёсць у нас, і вельмі радуецца гэтым невялікім рэчам, якія Лукашэнка робіць, вызваляючы палітычных зняволеных (…). Рэжым дзейнічае па прынцыпе канвеера. У яго гэтыя працэсы адбываюцца па індустрыяльных прынцыпах. Зараз ён вызваліць гэтых палітычных зняволеных і набярэ новых», — заявіла ў пятніцу прадстаўніца апазіцыйнай партыі «Саюз Айчыны — Хрысціянскія дэмакраты Літвы».
«ЗША, іх цяперашняя адміністрацыя, аддае перавагу гэтага не бачыць або гэтага не ведае, хоць спадар Гітанас Наўседа, як паведамлялася, падчас сустрэчы са спецыяльным пасланнікам вельмі ясна гэта растлумачыў», — падкрэсліла палітык.
Па яе словах, наладзіўшы кантакт з адміністрацыяй ЗША, Лукашэнка адчуў сябе яшчэ больш моцна ў адносінах да суседніх дзяржаў.
«Спадар Лукашэнка зараз уяўляе, што злавіў Бога за бараду, што ў яго ёсць нейкі двухбаковы канал з адміністрацыяй ЗША. І, вырашаючы пытанні з адміністрацыяй, ён уяўляе, што можа адчуваць сябе гаспадаром становішча і цяпер мае магчымасць аказваць ціск на сваіх суседзяў, якія не дазваляюць яму рабіць тыя ці іншыя рэчы — зарабляць даляры або іншым чынам бясчынстваваць у еўрапейскіх краінах (…).
Цяпер у яго ёсць магчымасць ціснуць, таму што ён адчувае сябе ў больш моцнай пазіцыі. Вось прыязджае спецыяльны пасланнік, заклікае Літву паляпшаць адносіны з Лукашэнкам, і Лукашэнка фактычна далучаецца да гэтых заклікаў», — сказала Інгрыда Шыманіце.
Ён проста дэманструе свае магчымасці парушаць асобныя сферы жыцця і прымаць іншыя дзеянні, быццам спрабуючы дадаць аргументы, чаму Літва павінна змяніць сваю палітычную пазіцыю адносна рэжыму Беларусі. Відавочна, што рэжым ніяк не змяніўся, а сітуацыя з бяспекай за гэты час толькі пагоршылася (…). Лукашэнка лічыць, што зараз яго зорны час, бо ён можа падмацаваць гэтыя заклікі пэўнай матэрыяльнай асновай — і ён гэта вельмі наглядна робіць», — растлумачыла парламентарый.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне28
Каментары
З гэтай крывадушнасці і выцякае шмат праблем у адносінах паміж краінамі.
Таму ніякіх інструментаў ціску ў Літвы няма, акрамя гучных заяў.
Падыход Трампа "make a deal or get a war" можа і людажэрны, але эфектыўны з погляду ціску на такія рэжымы. І Коул пагражае Луке, адначасова праводзячы перамовы.
А ў ЭЗ няма магчымасцяў дзеля такой стратэгіі. Бо нечым ціснуць акрамя такіх заяў, занадта слабыя. І Лука гэтым карыстаецца