МЗС Расіі прыгразіла адказам краінам Балтыі праз тое, што яны нібыта адкрылі паветраную прастору для ўкраінскіх дронаў
Афіцыйная прадстаўніца МЗС Расіі Марыя Захарава выступіла з пагрозаю на адрас краін Балтыі, абвінаваціўшы іх у садзейнічанні ўкраінскім паветраным атакам. На фоне ўдараў па расійскіх портах Масква ўскладае адказнасць за пралёты беспілотнікаў на Рыгу, Вільню і Талін.
Захарава прыгразіла адказам краінам Балтыі, якія, паводле яе слоў, адкрылі сваю паветраную прастору для ўкраінскіх беспілотнікаў. «Гэтым краінам зрабілі адпаведнае папярэджанне. Калі ў гэтых рэжымаў, гэтых краін, хопіць розуму, яны прыслухаюцца. А калі не, будуць мець справу з адказам», — цытуе словы Захаравай агенцтва «Інтэрфакс».
Канфлікт абвастрыўся пасля серыі атак на расійскія марскія порты, падчас якіх некалькі дронаў упалі на тэрыторыі балтыйскіх дзяржаў.
Украінскі бок аператыўна адрэагаваў на інцыдэнты, прынёсшы прабачэнні. Паводле даных украінскай разведкі, Расія магла наўмысна накіроўваць беспілотнікі ў бок Балтыі з дапамогай сродкаў радыёэлектроннай барацьбы, каб выкарыстаць гэтыя факты для ўласнай прапаганды і ціску на суседзяў.
МЗС Латвіі накіравала Маскве афіцыйную ноту пратэсту. Латвійскія дыпламаты падкрэслілі, што расійскія абвінавачванні не маюць пад сабой ніякіх доказаў. У ноце сцвярджэнні Масквы названы «абсалютна ілжывымі», а спробы абвінаваціць Латвію ў дазволе выкарыстоўваць сваю тэрыторыю для ўдараў па Расіі — наўмыснай дэзінфармацыяй.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары