MZS Rasii pryhraziła adkazam krainam Bałtyi praz toje, što jany nibyta adkryli pavietranuju prastoru dla ŭkrainskich dronaŭ
Aficyjnaja pradstaŭnica MZS Rasii Maryja Zacharava vystupiła z pahrozaju na adras krain Bałtyi, abvinavaciŭšy ich u sadziejničańni ŭkrainskim pavietranym atakam. Na fonie ŭdaraŭ pa rasijskich portach Maskva ŭskładaje adkaznaść za praloty bieśpiłotnikaŭ na Ryhu, Vilniu i Talin.
Zacharava pryhraziła adkazam krainam Bałtyi, jakija, pavodle jaje słoŭ, adkryli svaju pavietranuju prastoru dla ŭkrainskich bieśpiłotnikaŭ. «Hetym krainam zrabili adpaviednaje papiaredžańnie. Kali ŭ hetych režymaŭ, hetych krain, chopić rozumu, jany prysłuchajucca. A kali nie, buduć mieć spravu z adkazam», — cytuje słovy Zacharavaj ahienctva «Interfaks».
Kanflikt abvastryŭsia paśla sieryi atak na rasijskija marskija porty, padčas jakich niekalki dronaŭ upali na terytoryi bałtyjskich dziaržaŭ.
Ukrainski bok apieratyŭna adreahavaŭ na incydenty, pryniosšy prabačeńni. Pavodle danych ukrainskaj raźviedki, Rasija mahła naŭmysna nakiroŭvać bieśpiłotniki ŭ bok Bałtyi z dapamohaj srodkaŭ radyjoelektronnaj baraćby, kab vykarystać hetyja fakty dla ŭłasnaj prapahandy i cisku na susiedziaŭ.
MZS Łatvii nakiravała Maskvie aficyjnuju notu pratestu. Łatvijskija dypłamaty padkreślili, što rasijskija abvinavačvańni nie majuć pad saboj nijakich dokazaŭ. U nocie śćviardžeńni Maskvy nazvany «absalutna iłžyvymi», a sproby abvinavacić Łatviju ŭ dazvole vykarystoŭvać svaju terytoryju dla ŭdaraŭ pa Rasii — naŭmysnaj dezinfarmacyjaj.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii27
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary