19‑hadovy biełaruski forvard zhulaŭ u matčy za «Vašynhton» u adnym źvianie sa svaim starejšym bratam Alaksiejem i staŭ 19‑m biełarusam, što zhulaŭ u najmacniejšaj chakiejnaj lizie śvietu z 1992 hoda.
«Vašynhton Kepitałz» na vyjeździe damohsia ŭpeŭnienaj pieramohi nad «Taronta Mejpł Lifs» ź likam 4:0, a Illa i Alaksiej adznačylisia halavoj pieradačaj u apošniaj šajbie «Vašynhtona».
Assisted by BIG PRO and LITTLE PRO pic.twitter.com/PVRRmppq3n
Illa pravioŭ na lodzie 15 chvilin 37 siekund (ź ich 2:09 u bolšaści), nabraŭ 1 (0+1) bał, zabłakavaŭ adzin kidok, atrymaŭ dźvie chviliny štrafu, vyjhraŭ 6 z 14 ukidvańniaŭ (42,9%) i zarabiŭ pakazčyk karysnaści «+1».
Hety siezon małodšy z bratoŭ Protasaŭ pravioŭ u Amierykanskaj chakiejnaj lizie, dzie nabraŭ 62 (28+34) bały ŭ 66 matčach za «Chieršy», dzie źjaŭlajecca i najlepšym i pa hałach i pa bałach (hoł+pas).
Siarod usich chakieistaŭ ACHŁ Illa Protas zajmaje šostaje miesca pa bałach, šostaje — pa kolkaści hałoŭ i siomaje — pa hałach u bolšaści (10).
Illa staŭ 19‑m biełarusam u Nacyjalnaj chakiejnaj lizie z 1992 hoda. U hetym siezonie ŭ NCHŁ zhulali vaśmiora biełarusaŭ, što źjaŭlajecca rekordam.
U jaho starejšaha brata Alaksieja 51 bał u hetym siezonie (24+27) u 74 matčach.
«Vašynhton Kepitałz» paśla 79 matčaŭ maje ŭ aktyvie 89 bałaŭ i zajmaje 12‑ie miesca ŭ turnirnaj tablicy Uschodniaj kanfierencyi, adstajučy ad zony płej-of na try bały. Nastupny matč kamanda praviadzie na vyjeździe 11 krasavika suprać «Pitsburha».
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary