Карл ІІІ сустракаўся ў Белым доме з прэзідэнтамі ЗША тры разы. Як за 56 гадоў памяняўся Авальны кабінет?
Кароль Вялікабрытаніі Карл III цяпер знаходзіцца з чатырохдзённым афіцыйным візітам у ЗША. На гэтым фоне брытанскія журналісты ўзгадалі пра тры яго сустрэчы з амерыканскімі прэзідэнтамі і паказалі, як за 56 гадоў змяніўся Авальны кабінет у Белым доме.
Карл ІІІ наведваў ЗША з дзяржаўнымі візітамі за сваё жыццё тройчы. Першыя два разы ён прыязджаў яшчэ ў статусе прынца Уэльскага, то-бок спадкаемцы трона, а цяпер — ужо як кароль.
Упершыню ён сустрэўся з прэзідэнтам ЗША ў 1970 годзе. Тады ў Белым доме яго прымаў Рычард Ніксан.
Другі раз сустрэча ў Авальным кабінеце адбылася ў 2015 годзе, калі кіраўніком ЗША быў Барак Абама.
Цяпер, у 2026 годзе, Чарльз III падчас чарговага візіту ўжо сустрэўся з Дональдам Трампам.
Брытанскія СМІ параўналі фотаздымкі ўсіх трох сустрэч і звярнулі ўвагу, як змяніўся інтэр’ер галоўнага кабінета Белага дома за больш чым паўстагоддзя.
Цяперашні візіт караля пачаўся 27 красавіка ў Вашынгтоне. У ягонай амерыканскай праграме таксама Нью-Ёрк і Вірджынія. Падчас паездкі ён ужо выступіў перад абедзвюма палатамі Сената ЗША і заклікаў іх працягваць падтрымку Украіны.
Пасля заканчэння візіту ў ЗША Карл III плануе наведаць яшчэ Бермудскія астравы ў Карыбскім моры. Ён, дарэчы стане першым брытанскім манархам, які асабіста прыедзе на гэтую заморскую тэрыторыю Вялікабрытаніі.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары