Karł III sustrakaŭsia ŭ Biełym domie z prezidentami ZŠA try razy. Jak za 56 hadoŭ pamianiaŭsia Avalny kabiniet?
Karol Vialikabrytanii Karł III ciapier znachodzicca z čatyrochdzionnym aficyjnym vizitam u ZŠA. Na hetym fonie brytanskija žurnalisty ŭzhadali pra try jaho sustrečy z amierykanskimi prezidentami i pakazali, jak za 56 hadoŭ źmianiŭsia Avalny kabiniet u Biełym domie.
Karł III naviedvaŭ ZŠA ź dziaržaŭnymi vizitami za svajo žyćcio trojčy. Pieršyja dva razy jon pryjazdžaŭ jašče ŭ statusie prynca Uelskaha, to-bok spadkajemcy trona, a ciapier — užo jak karol.
Upieršyniu jon sustreŭsia z prezidentam ZŠA ŭ 1970 hodzie. Tady ŭ Biełym domie jaho prymaŭ Ryčard Niksan.
Druhi raz sustreča ŭ Avalnym kabiniecie adbyłasia ŭ 2015 hodzie, kali kiraŭnikom ZŠA byŭ Barak Abama.
Ciapier, u 2026 hodzie, Čarlz III padčas čarhovaha vizitu ŭžo sustreŭsia z Donaldam Trampam.
Brytanskija ŚMI paraŭnali fotazdymki ŭsich troch sustreč i źviarnuli ŭvahu, jak źmianiŭsia interjer hałoŭnaha kabinieta Biełaha doma za bolš čym paŭstahodździa.
Ciapierašni vizit karala pačaŭsia 27 krasavika ŭ Vašynhtonie. U jahonaj amierykanskaj prahramie taksama Ńju-Jork i Virdžynija. Padčas pajezdki jon užo vystupiŭ pierad abiedźviuma pałatami Sienata ZŠA i zaklikaŭ ich praciahvać padtrymku Ukrainy.
Paśla zakančeńnia vizitu ŭ ZŠA Karł III płanuje naviedać jašče Biermudskija astravy ŭ Karybskim mory. Jon, darečy stanie pieršym brytanskim manarcham, jaki asabista pryjedzie na hetuju zamorskuju terytoryju Vialikabrytanii.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ88
Kamientary