Яшчэ двух палітвязняў асудзілі за «злоснае непадпарадкаванне адміністрацыі калоніі»
У Беларусі працягваюць судзіць палітзняволеных паводле арт. 411 Крымінальнага кодэкса (злоснае непадпарадкаванне адміністрацыі калоніі) за дробныя або сфабрыкаваныя парушэнні. Так, у Бабруйску паводле гэтага артыкула нядаўна асудзілі 22‑гадовага палітвязня Іллю Верамеева і 54‑гадовага Сяргея Канавалава, піша «Вясна».
Сяргей Канавалаў да затрымання працаваў на Віцебскай дыстанцыі сігналізацыі і сувязі УП «Віцебскае аддзяленне Беларускай чыгункі». Яго затрымалі 6 сакавіка 2022 года. Згодна з данымі МУС, мужчына нібыта планаваў вывядзенне са строю сістэм, якія гарантуюць бяспеку чыгуначнага руху.
У верасні 2022 года Сяргея асудзілі па крымінальнай справе аб «распальванні нацыянальнай і іншай сацыяльнай варожасці» (арт. 130 КК) і аб «падрыхтоўцы да здзяйснення акта тэрарызму» (ч. 1 арт. 13, ч. 2 арт. 289 КК). Яму прызначылі 15 гадоў калоніі ва ўмовах узмоцненага рэжыму, а таксама штраф у памеры 300 базавых велічыняў.
Восенню 2024 года адміністрацыя бабруйскай калоніі № 2 ініцыявала завядзенне справы супраць Сяргея паводле ч. 2 арт. 411 КК (злоснае непадпарадкаванне адміністрацыі калоніі). Тады суддзя Павел Карцінін прызначыў яму яшчэ два гады калоніі ў дадатак да 15 гадоў.
Цяпер стала вядома, што ў папраўчай калоніі № 14 у Навасадах супраць Сяргея завялі другую запар крымінальную справу паводле арт. 411 КК. 17 красавіка 2026 года над ім адбыўся суд. Вынік — чарговыя два гады пазбаўлення волі. Цяпер агульны тэрмін палітвязня складае 19 гадоў.
Пра новы суд над палітвязнем Іллёй Верамеевым паведаміла «Гомельская Вясна». Які тэрмін прызначылі хлопцу — пакуль невядома.
24 лютага 2022 году Ілля Верамееў з Гомеля пачаў перапіску ў Telegram з сястрой Янай каля пятай раніцы. Прычына — уварванне расійскіх войскаў ва Украіну і абстрэл горада Мікалаеў, у якім жыла на той момант ягоная сястра. Ілля вельмі хваляваўся за яе. Праз тры дні хлопца затрымалі пасля ягоных заклікаў у мясцовым чаце аказваць супраціў і пачаць дзейнічаць супраць вайны: на месцы збору з гамельчукамі яго чакалі сілавікі.
Іллю асудзілі да шасці з паловай гадоў калоніі. Пазней КДБ уключыў хлопца ў «спіс асобаў, датычных да тэрарыстычнай дзейнасці», а МУС — у «спіс экстрэмістаў». Адбываць тэрмін яго накіравалі ў бабруйскую калонію № 2.
Наталля Дуліна публічна адказала на паклёп з боку другой палітзняволенай, Галіны Дзербыш
Выйшла на свабоду палітзняволеная Вольга Чукарава, якая ў зняволенні амаль аслепла
На дзяржТБ паказалі схуднелага манаха, якога перадалі Польшчы разам з Пачобутам
«Пры знаёмстве прадстаўлялася: «Марына». Гутарка з былой галоўнай рэдактаркай Tut.by, палітзняволенай і швачкай гомельскай калоніі
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары