Мары-Луізе Эта — першая жанчына-трэнер, якая выйграла матч Бундэслігі
Берлінскі «Уніён» выйграў у «Майнца» з лікам 3:1.
Мары-Луізе Эта атрымала сваю першую перамогу на чале «Уніёна». Учора «Уніён» здабыў першую перамогу пад кіраўніцтвам жанчыны-трэнера.
Матч супраць «Майнца» ў 33‑м туры Бундэслігі стаў для Мары-Луізе Эты чацвёртым на чале каманды. Берлінцы перамаглі з лікам 3:1 дзякуючы галам на 88‑й і 91‑й хвілінах.
У трох папярэдніх матчах «Уніён» пацярпеў дзве паразы і раз згуляў унічыю.
За тур да фінішу берлінцы займаюць 12‑ы радок у футбольным чэмпіянаце з 36 баламі і гарантавалі сабе месца ў Бундэслізе на наступны сезон.
Тры апошнія месцы з 26 баламі займаюць «Вольфсбург», «Санкт-Паўлі» і ў апошнім туры вырашаць, хто напрамую пакіне элітны дывізён, а хто будзе гуляць у стыкавых матчах. Прычым «Санкт-Паўлі» і «Вольфсбург» згуляюць у апошнім туры паміж сабой.
Мары-Луізе Эту прызначылі в.а. галоўнага трэнера «Уніёна» ў пачатку красавіка пасля звальнення Штэфана Баўмгарта. Ва «Уніёне» яна ўжо працавала памочнікам трэнера ў 2023 годзе.
Гэта першы выпадак прызначэння жанчыны на пасаду галоўнага трэнера ў чэмпіянатах топ-пяці еўрапейскіх футбольных краін (Англія, Германія, Іспанія, Італія і Францыя).
Мары-Луізе ставілі задачу захаваць «Уніён» у Бундэслізе.
Цяпер чытаюць
У Беларусі множацца пляцоўкі для танцаў на свежым паветры — паглядзіце, як адпальваюць разам моладзь і пенсіянеры ў Серабранцы3
Каментары