Абвешчаныя лаўрэаты прэміі «Голас пакалення свабоды» за 2026 год. Яе ўручаюць выдатным прадстаўнікам беларускай праваабарончай, літаратурнай і журналісцкай супольнасці ва ўзросце ад 65 гадоў, піша «Радыё Свабода».
Сёлета ўзнагароды атрымалі мастачка і паэтка Наталля Бордак (Наталка Хвоя), фалькларыст і грамадскі дзеяч Алесь Лозка, рэдактар «Рэгіянальнай газеты» і былы палітвязень Аляксандр Манцэвіч, педагог і аўтарка адукацыйных методык Соф’я Савелава, гісторык і рэдактар Аляксандр Смалянчук, а таксама журналістка і праваабаронца Тамара Шчапёткіна.
Імёны яшчэ трох лаўрэатаў пакуль не раскрываюцца. Умовамі прэміі прадугледжана магчымасць не называць іх публічна.
Праваабаронца і лаўрэат Нобелеўскай прэміі міру Алесь Бяляцкі павіншаваў сёлетніх пераможцаў і адзначыў іх вялікі ўклад у тое, каб голас беларусаў быў чутны ў свеце. Ён таксама пажадаў ім здароўя і новых творчых поспехаў.
Прэмія «Голас пакалення свабоды» была заснаваная ў 2025 годзе Беларускім ПЭНам супольна з праваабарончым цэнтрам «Вясна», Беларускай асацыяцыяй журналістаў, Прэс-клубам Беларусь і Фондам «Свабодная прэса для Усходняй Еўропы». У 2026 годзе да партнёраў далучыўся Фонд Алеся Бяляцкага.
Узнагарода прызначаная для беларусаў ва ўзросце 65+, якія пасля 2020 года былі вымушаныя пакінуць Беларусь праз пераслед і працягваюць сваю дзейнасць у эміграцыі ў Польшчы, Літве або Чэхіі. Лаўрэаты атрымліваюць фінансавую прэмію на некалькі тысяч еўра, а іх гісторыі публікуюцца ў адмысловым зборніку.
Прэзентацыя зборніка «Голас пакалення свабоды — 2026» адбудзецца 7 лістапада ў Гданьску ў Еўрапейскім цэнтры салідарнасці.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары