Сярэдняя тэмпература паверхні Сусветнага акіяна ў жніўні дасягнула рэкорднага ўзроўню — 21,1°C. Гэта найвышэйшы паказчык за ўвесь перыяд назіранняў. Рэкорд зафіксавалі 22 жніўня, паведамляе The Guardian са спасылкай на даныя еўрапейскай службы Copernicus.
Новы максімум асабліва незвычайны, бо зазвычай найвышэйшая тэмпература паверхні акіяна назіраецца ў сакавіку і красавіку — пасля заканчэння аўстралійскага лета.
Адной з прычын цяперашняга павышэння тэмпературы становіцца Эль-Ніньё — кліматычная з’ява, якая спрыяе росту глабальнай тэмпературы і змяняе ўмовы надвор’я. Аднак цяперашняе пацяпленне адбываецца таксама на фоне працяглага антрапагеннага змянення клімату.
Паводле даных экспертаў, колькасць дзён з анамальна высокай тэмпературай марской вады ва ўсім свеце з пачатку 1990‑х гадоў вырасла больш чым утрая. Навукоўцы разглядаюць новы рэкорд як яшчэ адно сведчанне ўзмацнення нагрузкі на Сусветны акіян.
Пацяпленне акіяна можа прыводзіць да павышэння ўзроўню мора і ўзмацнення экстрэмальных з’яў надвор’я. Больш цёплая вада перадае атмасферы больш энергіі і вадзяной пары, што спрыяе больш моцным ападкам і штормам. Акрамя таго, рост тэмпературы стварае пагрозу марскім экасістэмам і сродкам існавання людзей, якія жывуць у прыбярэжных раёнах.
Панамскі канал абмялеў праз Эль-Ніньё. Праз яго будуць прапускаць менш суднаў
Верагоднасць рэкордна моцнага Эль-Ніньё дасягнула 70%
Чэрвень і ліпень у Заходняй Еўропе сталі самымі гарачымі за ўсю гісторыю назіранняў
Эль-Ніньё пакідае свет без хамсы. Чаму ж тады даражэйшымі могуць стаць ласось і крэветкі?
У гэтым годзе чакаюць супер Эль-Ніньё — рэкордную гарачыню
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары