Белчыгунка праз будаўніцтва чыгункі ў Нацыянальны аэрапорт мяняе расклад цягнікоў
Беларуская чыгунка пачала чарговы этап будаўніцтва хуткаснай пасажырскай лініі Мінск — Гарадзішча — індустрыяльны парк «Вялікі камень» — Нацыянальны аэрапорт Мінск. З 24 жніўня змяняецца расклад руху цягнікоў на ўчастку Мінск — Орша.
У сувязі з будаўнічымі работамі частка цягнікоў на маршруце Мінск — Орша будзе курсаваць па змененым раскладзе або маршруце, а некаторыя рэйсы часова адменяць.
Карэктаванне раскладу будзе дзейнічаць у перыяды з 24 да 28 жніўня, з 7 да 26 верасня, з 28 верасня да 7 кастрычніка, а таксама з 8 кастрычніка да ўвядзення новага раскладу на 2026/2027 год.
Будаўніцтва новай лініі працягласцю 41,8 кіламетра пачалося ў верасні 2025 года. Завяршыць праект плануюць у жніўні 2028 года. Пасля запуску хуткасных цягнікоў дарога ад Мінска да аэрапорта павінна займаць менш за 30 хвілін.
На першым этапе плануецца павялічыць прапускную здольнасць участка паміж станцыямі Мінск-Пасажырскі і Гарадзішча і скараціць час паездкі. У далейшым пабудуюць каля 18 кіламетраў новых рэек да «Вялікага каменя» і Нацыянальнага аэрапорта.
Цяпер асноўныя работы вядуцца на перагоне Калодзішчы — Гарадзішча. Там ужо падрыхтавана земляное палатно, змантаважаная рэйка-шпальная кратка трэцяга галоўнага пуці і стрэлачныя пераводы. Таксама працягваецца ўстаноўка кантактнай сеткі і сістэм аўтаматыкі, будуецца новы прыпыначны пункт «Садовы».
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары