21‑гадовая цётка збіла маленькую пляменніцу за тое, што тая не хацела спаць
У Магілёве распачалі крымінальную справу супраць 21‑гадовай дзяўчыны.
Па просьбе старэйшай сястры яна засталася прыглядаць за пляменнікамі — двух, чатырох і шасці гадоў. Калі дзеці не захацелі класціся спаць, цётка сарвала злосць на старэйшай дзяўчынцы і збіла яе рамянём, паведамляе Генеральная пракуратура.
Дзяўчына нанесла 6‑гадовай дзяўчынцы не менш за 20 удараў рамянём з металічнай спражкай.
Пасля здарэння ўсіх трох дзяцей прызналі, што яны знаходзяцца ў сацыяльна небяспечным становішчы. Іх цётцы інкрымінуюць збіццё непаўналетняй, якая знаходзілася ў бездапаможным стане (ч. 2 арт. 154).
Дзяўчына знаходзіцца пад падпіскай аб нявыездзе і належных паводзінах, справа перададзеная ў суд.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары33
Каментары