Украінцы нанеслі ўдар па расійскай школе падрыхтоўкі аператараў БПЛА. Загінуў і кіраўнік школы
Украінскія Сілы беспілотных сістэм заявілі пра ўдар разам з СБУ па навучальным аб'екце ў горадзе Снежнае Данецкай вобласці, дзе рыхтаваліся расійскія аператары беспілотнікаў і рабіліся дэталі для БПЛА.
Паводле паведамлення, у выніку атакі былі знішчаныя вытворчыя і рамонтныя памяшканні, дзе таксама знаходзіліся некалькі бронеаўтамабіляў «Тыгр», якія былі прывезеныя на рамонт. Тэхніка нібыта цалкам знішчаная.
Таксама сцвярджаецца, што загінуў кіраўнік школы падрыхтоўкі — падпалкоўнік з пазыўным «Буры», а агульныя незваротныя страты асабовага складу склалі не менш за 65 чалавек.
Акрамя гэтага, паведамляецца пра знішчэнне боепрыпасаў і камплектуючых для вытворчасці беспілотных сістэм.
Украінскі бок заяўляе, што ўдар па такіх аб’ектах зніжае магчымасці праціўніка па падрыхтоўцы экіпажаў БПЛА, рамонце тэхнікі і забеспячэнні падраздзяленняў.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект22
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары