У Мінску каля станцыі метро «Уручча» кампанія Zaryadka адкрыла новы зарадны хаб для электрамабіляў. Ён размешчаны насупраць жылога комплексу «Вівальдзі», піша Office Life.
На пляцоўцы ўсталявалі дзве хуткасныя зарадныя станцыі магутнасцю па 160 кВт кожная. Адна з іх мае два раз'ёмы — CCS і GBT, другая абсталяваная двума раз'ёмамі GBT. Адначасова тут могуць зараджацца да чатырох электрамабіляў.
Кампанія-аператар адзначае, што працягвае развіваць сетку ў жылых раёнах сталіцы, бо попыт на хуткую зарадку пастаянна расце. Раней падобная станцыя з’явілася ў Каменнай Горцы.
Усяго ў сеткі ўжо каля 100 зарадных станцый па ўсёй Беларусі. Сярод буйных праектаў — вялікі зарадны хаб у гандлёвым цэнтры Galleria Minsk, дзе можна адначасова абслугоўваць дзясяткі электрамабіляў.
Акрамя Мінска, падобная інфраструктура актыўна развіваецца і ў рэгіёнах, а таксама ўздоўж асноўных аўтамабільных трас.
У Віцебску збіраюцца вырабляць электрамабілі
«З зарадкамі ўсё з самага пачатку пайшло не так». Беларус расказаў, як ездзіў на электракары з Мінска ў Ташкент
У мінскай Каменнай Горцы адкрылі буйны хаб хуткай зарадкі электрамабіляў
«Белджы» плануе сёлета выпусціць 10 тысяч электрамабіляў і гібрыдаў
У «Белтэхаглядзе» расказалі, на што часцей за ўсё хварэюць электракары
Каментары