Заўзятары ПСЖ пасля перамогі каманды ўчынілі беспарадкі — фанаты палілі машыны і грамілі крамы
У Францыі пасля фіналу Лігі чэмпіёнаў затрыманыя больш за 400 чалавек.
Сутыкненні паміж футбольнымі балельшчыкамі і паліцыяй па ўсёй Францыі прывялі да больш чым 400 затрыманняў пасля перамогі «Пары Сен-Жэрмен» у фінале Лігі чэмпіёнаў над лонданскім «Арсеналам», піша ВВС.
Каб стрымаць беспарадкі, якія парушылі працу аўтобусных, чыгуначных і прыгарадных зносін у Парыжы, былі задзейнічаны тысячы супрацоўнікаў праваахоўных органаў. Заўзятары запускалі феерверкі і сігнальныя ракеты.
У цэнтры горада паліцыя ўжыла слёзатачывы газ, каб разагнаць натоўп.
Фанаты палілі аўтамабілі, веласіпеды, сметніцы, грамілі вітрыны магазінаў, а таксама закідвалі супрацоўнікаў паліцыі піратэхнікай і петардамі.
МУС Францыі заявіла, што да ранняй раніцы нядзелі былі затрыманы 416 чалавек, з іх 280 у Парыжы.
Міністр унутраных спраў Ларан Нуньес паведаміў, што сем супрацоўнікаў паліцыі атрымалі траўмы, і назваў беспарадкі «абсалютна непрымальнымі».
Як чакаецца, у нядзелю днём гульцы ПСЖ прымуць удзел у пераможным парадзе, які ўключае праезд па Марсавым полі побач з Эйфелевай вежай і прыём, арганізаваны прэзідэнтам Францыі Эмануэлем Макронам.
Цяпер чытаюць
Новы пасол Украіны па пытаннях Беларусі: «Прызнаём Ціханоўскую лідарам. А ў Лукашэнкі няма манаполіі на голас народа»18
Каментары