Zaŭziatary PSŽ paśla pieramohi kamandy ŭčynili biesparadki — fanaty palili mašyny i hramili kramy
U Francyi paśla finału Lihi čempijonaŭ zatrymanyja bolš za 400 čałaviek.
Sutyknieńni pamiž futbolnymi balelščykami i palicyjaj pa ŭsioj Francyi pryviali da bolš čym 400 zatrymańniaŭ paśla pieramohi «Pary Sien-Žermien» u finale Lihi čempijonaŭ nad łondanskim «Arsienałam», piša VVS.
Kab strymać biesparadki, jakija parušyli pracu aŭtobusnych, čyhunačnych i pryharadnych znosin u Paryžy, byli zadziejničany tysiačy supracoŭnikaŭ pravaachoŭnych orhanaŭ. Zaŭziatary zapuskali fiejervierki i sihnalnyja rakiety.
U centry horada palicyja ŭžyła ślozatačyvy haz, kab razahnać natoŭp.
Fanaty palili aŭtamabili, viełasipiedy, śmietnicy, hramili vitryny mahazinaŭ, a taksama zakidvali supracoŭnikaŭ palicyi piratechnikaj i pietardami.
MUS Francyi zajaviła, što da rańniaj ranicy niadzieli byli zatrymany 416 čałaviek, ź ich 280 u Paryžy.
Ministr unutranych spraŭ Łaran Nuńjes paviedamiŭ, što siem supracoŭnikaŭ palicyi atrymali traŭmy, i nazvaŭ biesparadki «absalutna nieprymalnymi».
Jak čakajecca, u niadzielu dniom hulcy PSŽ prymuć udzieł u pieramožnym paradzie, jaki ŭklučaje prajezd pa Marsavym poli pobač z Ejfielevaj viežaj i pryjom, arhanizavany prezidentam Francyi Emanuelem Makronam.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie16
Kamientary