Першая ракетка свету з Беларусі расказала пра будучае вяселле з мільянерам. Пара не спяшаецца.
Беларуская тэнісістка Арына Сабаленка расказала пра будучае вяселле з бразільскім мільянерам Георгісам Франгулісам. Бізнесмен не так даўно зрабіў спартсменцы прапанову. Але да самога вяселля яшчэ далёка.
Сабаленка не хацела б вялікага вяселля. У яе разуменні, хапіла б 300 гасцей. Але, хутчэй за ўсё, будзе значна больш.
«Мы ведаем, дзе і калі яно пройдзе, але мы яшчэ не пачыналі планаванне. Нам трэба хаця б пачаць складаць спіс гасцей і паглядзець, наколькі вялікай будзе ўрачыстасць.
Мне здаецца, у выніку будзе, ну, не ведаю, 500 або 1000 чалавек, але я не хачу вялікага вяселля. Я хачу максімум на 300 чалавек, зладзіць велізарную вечарыну, дзе ўсе будуць весяліцца. Усе кажуць, што ў выніку будзе 500—1000 чалавек. А я думаю: «Як наогул можна паспець з усімі павітацца?» — падзялілася Сабаленка.
Вяселле плануецца на верасень наступнага года. Але дакладнасці з датай пакуль няма, усё могуць перанесці.
Сабаленка і Франгуліс сустракаюцца больш за два гады. Прапанову бразілец грэчаскіх каранёў зрабіў беларусцы ў сакавіку 2026 года.
Цяпер чытаюць
Мама Бажэны Ярэміч, якая рыхтуе прыгажунь для Лукашэнкі, купіла элітны катэдж коштам $837 тысяч32
Мама Бажэны Ярэміч, якая рыхтуе прыгажунь для Лукашэнкі, купіла элітны катэдж коштам $837 тысяч
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5454
Каментары
З дзеўчынай аднэй,
Што з калгасу "Новы пуць".
Трыста чалавек,
Тосты, песьні, сьмех.
Налівай, бо не ядуць!