У МТС зменяцца слоган і элементы фірмовага стылю. Заўтра будзе 24 гады, як кампанія працуе на беларускім рынку.
«27 чэрвеня МТС спаўняецца 24 гады. Амаль чвэрць стагоддзя працы на рынку даказваюць: тэхналогіі існуюць, каб служыць людзям і раскрываць чалавечы патэнцыял. Сёння кампанія робіць наступны крок, прадстаўляючы абноўлены брэнд. Гэта адказ на свет, які змяніўся, дзе лічбавыя рашэнні пранікаюць у кожны аспект жыцця. Мы ўжо даўно выйшлі за рамкі «аператара сувязі» і імкнёмся быць архітэктарамі новых магчымасцей, дапамагаючы людзям і бізнесу ставіць амбіцыйныя мэты і дасягаць іх. Як і раней, наша галоўная каштоўнасць — гэта кліенты, для якіх мы набліжаем будучыню кожны дзень», — сказаў генеральны дырэктар кампаніі МТС Уладзімір Козыр.
МТС прэзентаваў таксама новы слоган «Набліжаючы будучыню».
Ён заснаваны на пераасэнсаванай місіі кампаніі: «Мы ператвараем тэхналогіі ў прадукты, з дапамогай якіх людзі і кампаніі могуць дасягнуць большага», — паведамляе прэс-служба.
Гэтую ідэю падтрымліваюць шэсць ключавых каштоўнасцей: адкрытасць, лідарства, надзейнасць, наватарства, кампетэнтнасць, натхненне.
Кампанія абнаўляе айдэнтыку, робячы яе больш сучаснай і дынамічнай. 27 чэрвеня легендарнаму сімвалу ў выглядзе «яйка» спаўняецца роўна 20 гадоў на беларускім рынку — ён застаецца.
Галоўным элементам візуальнага стылю становіцца гарызантальная адаптыўная паласа, у якую інтэгруецца белы лагатып МТС.
Таксама брэнд атрымаў новае адценне чырвонага — MTS Bright Red: больш насычаны і чысты тон з лёгкім ухілам у халодны спектр, які стварае адчуванне дынамікі і энергіі.
Візуальныя змены будуць адбывацца паступова. У першую чаргу новая айдэнтыка з'явіцца ў лічбавых каналах і рэкламных камунікацыях МТС. У афлайн-прасторы новы стыль будзе ўкараняцца па меры натуральнага абнаўлення салонаў сувязі.
Каментары
Некалькі год ішлі перамовы, патэнтныя войны і суды. Па выніку Вярхоўны Суд Рэспублікі Беларусь стаў на бок МТС.
Рязанаў вядомы выдатны паэт, мясцовая аўдыторыя павінна ведаць.
Маркавец памёр у 2013-м, Рязанаў у 2021-м. У МТС усё добра.
З прэсрэлізу МТС: "27 июня легендарному символу в форме «яйца» исполняется ровно 20 лет на белорусском рынке — он остается."