Будзе плавіцца асфальт. У нядзелю і панядзелак ускварыць да 34—39°С. Магчыма, паб'ём усе магчымыя рэкорды
Людзям трэба быць выключна асцярожнымі. Падводзіць можа і тэхніка.
Плавіцца будзе асфальт, засыхаць расліны. Цяжка будзе дыхаць і рухацца. Трэба будзе часцей прымаць душ і больш піць. Самымі спякотнымі будуць гадзіны між 15:00 і 20:00. На асфальтаваных вуліцах вялікіх гарадоў рэальныя тэмпературы дасягнуць нават 45—50 градусаў.
У нядзелю 28 чэрвеня ўначы чакаецца ад +15°С на паўночным усходзе да +21°С на поўдні. Максімальная ўдзень ад +28°С па паўночным усходзе да +38°С па захадзе. У Мінску да +30°С.
У панядзелак уначы ў асобных раёнах па поўначы, удзень месцамі па краіне кароткачасовыя дажджы. У асобных раёнах навальніцы. Гэта дадасць трапічнай задухі.
Уначы ад +18 на поўначы да +24°С на поўдні. Удзень ад +30°С па поўначы да +39°С па паўднёвым захадзе. У Мінску да +34°С.
Абсалютны тэмпературны рэкорд чэрвеня па Беларусі складае +37,1°C — ён быў зафіксаваны 23 чэрвеня 2021 года. Падобна, ужо заўтра ён можа быць пабіты.
Абсалютны тэмпературны рэкорд за ўсю гісторыю метэаназіранняў у Беларусі складае +38,9°C. Гэтая экстрэмальная спякота была афіцыйна зафіксавана 8 жніўня 2010 года ў Гомелі. Пасці можа і гэты рэкорд. А яшчэ ж не ліпень і не жнівень.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў27
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары