Прэзідэнт Украіны Уладзімір Зяленскі прапанаваў былому міністру ўнутраных спраў Украіны Ігару Кліменку заняць пасаду сакратара Рады нацыянальнай бяспекі і абароны Украіны (РНБА). Паводле яго слоў, адпаведны ўказ аб прызначэнні ўжо рыхтуецца.
Зяленскі адзначыў, што Кліменка добра зарэкамендаваў сябе падчас працы ў сістэме Міністэрства ўнутраных спраў і эфектыўна рэагаваў на розныя выклікі. На новай пасадзе яго галоўнай задачай будзе каардынацыя працы ўсіх структур у сферы бяспекі і абароны, кантроль за выкананнем рашэнняў РНБА і Стаўкі Вярхоўнага галоўнакамандуючага, а таксама развіццё абароннай вытворчасці.
Цяпер пасаду сакратара РНБА займае Рустэм Умераў. Паведамляецца, што ў яго з прэзідэнтам Украіны павінна адбыцца асобная размова. Пакуль невядома, якую новую пасаду ён можа атрымаць надалей.
Раней разглядалася магчымасць прызначэння Ігара Кліменкі міністрам абароны Украіны замест Міхаіла Фёдарава. Зяленскі лічыў, што Кліменка можа дапамагчы вырашыць праблемныя пытанні, звязаныя з мабілізацыяй. Аднак пасля пратэстаў у падтрымку Фёдарава Кліменка адмовіўся ад пасады кіраўніка Міністэрства абароны.
«Засцілайце ложак». Дзяніс «Рэдзіс» Пракапенка адкаментаваў звальненне Фёдарава метафарычна
Зяленскі расказаў пра знішчэнне расійскага самалёта Ту-95 у Саратаўскай вобласці
Яўген Хмара будзе часова выконваць абавязкі міністра абароны Украіны. Хто ён такі?
Зяленскі прапанаваў новую пасаду былому міністру абароны, але той адмовіўся
Ва Украіне — новы прэм'ер
Каментары