Легендарны партугальскі футбаліст Крышціяну Раналду пачаў новы этап сваёй кар'еры — ён далучыўся да стварэння маштабнага драматычнага серыяла пра брытанскі футбол. Былы форвард «Манчэстэр Юнайтэд» выступіць выканаўчым прадзюсарам праекта, а таксама сыграе ў ім адну з роляў, паведамляе The Sun.
Здымкі серыяла, які атрымаў назву Day 1s, ужо пачаліся. Частка сцэн здымаецца на стадыёне англійскага клуба «Барнет» у паўночна-заходнім Лондане. Галоўную ролю выконвае вядомы брытанскі акцёр Дэміен Льюіс, які ўвасобіць вобраз выдуманага футбольнага агента Стэнлі Далтана.
Паводле звестак крыніц, да праекта таксама далучыцца былы французскі футбаліст Цьеры Анры, які некалі быў адным з галоўных сапернікаў Раналду ў англійскай Прэм'ер-лізе.
У аснову сюжэту пакладзеная ідэя футбольнага агента Дарэна Дэйна, які прадстаўляе інтарэсы Анры. Стваральнікі адзначаюць, што пасля чэмпіянату свету цікавасць да брытанскага футбола, асабліва ў ЗША, значна ўзрасла. Новы серыял разлічаны на міжнародную аўдыторыю і спалучае драму з элементамі гумару.
Праект стварае студыя UR Marv Studios, якую Раналду заснаваў разам з вядомым брытанскім рэжысёрам Мэцью Вонам, аўтарам фільмаў Kingsman і Kick-Ass. Акрамя Льюіса, у серыяле здымуцца брытанскі рэпер Dave і маладая актрыса Карлота Банат.
Мэцью Вон раней заяўляў, што хоча разам з Раналду ствараць новыя гісторыі ўжо не на футбольным полі, а ў кіно. Сам футбаліст назваў удзел у кінапраектах новым захапляльным этапам свайго жыцця.
У 2026 годзе 41‑гадовы Раналду працягвае футбольную кар'еру: ён выступае за саудаўскі клуб «Ан-Наср», застаецца капітанам зборнай Партугаліі і адначасова развівае ўласныя праекты ў сферы кіно і забаў.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі5
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра27
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары