Чым цяпер жыве чатырохразовая алімпійская чэмпіёнка па біятлоне Дар'я Домрачава і ці не плануе пачынаць трэнерскую кар'еру ў Беларусі, «Точка» спытала спартсменку, якой сёння споўнілася 40 гадоў.
Сям'я Домрачавай зараз жыве на тры краіны: Беларусь, Нарвегія і Манака. Княства — гэта выбар мужа спартсменкі — знакамітага нарвежскага біятланіста Уле-Эйнар Б'ёрндалена, 8‑разовага алімпійскага чэмпіёна. Там камфортна, бяспечна, ніхто не звяртае ўвагі на знакамітасцяў. Сужэнцам часам хочацца цішыні і спакою.
На пытанне пра магчымую трэнерскую кар'еру на радзіме Домрачава адказала адмоўна, хаця разам з мужам больш за два гады яна трэніравала кітайскіх біятланістаў.
«Трэнерская праца вельмі цікавая, але яна патрабуе поўнай адданасці і прысвячэння практычна ўсяго свайго часу працэсу», — тлумачыць спартсменка.
А падрастаючыя дзеці патрабуюць шмат увагі. Паводле слоў Домрачавай, гэта зараз для яе галоўнае.
У сужэнцаў дзве дачкі — 9‑гадовая Ксенія і трохгадовая Міра.
Як кажа Дар'я, у Ксеніі шмат захапленняў, спорт таксама прысутнічае.
«Зусім не абавязкова, што Ксенія звяжа сваё жыццё з біятлонам і наогул са спортам. Галоўнае, каб ёй падабалася тое, чым займаецца», — кажа Домрачава.
Каментары
Ещё вспомним, что эта дама получила миллионы долларов из бюджета - такое для непопулярных видов спорта возможно только в своеобразных государствах.