Здаецца, знакамітая гімнастка завяла традыцыю радаваць сябе на дзень нараджэння новымі аўтамабілямі. На 23‑годдзе Аліна набыла Tesla. А цяпер, на 25-годдзе, паказала ў інстаграме блакітны Porsche Panamera.
Шчаслівая Аліна пазіравала на фоне шыкоўнага аўтамабіля — яна распавяла, што здзейснілася яе чарговая мара.
У Беларусі цэны на аналагічныя Porsche Panamera могуць складаць пад 100 тысяч даляраў.
Гарнасько падвяла вынікі свайго маладога жыцця: «Першая чвэрць ззаду, яна дакладна з'яўляецца самай павучальнай, цярністай, але і не менш яркай».
Таксама гімнастка падзякавала бацькам за тое, што яны вырасцілі «ранімую, сумленную, не такую ўжо і дрэнную дзяўчынку, якая затое вельмі не лёгка здаецца».
Віншаваць спартсменку ў каментары прыйшлі спявак Руслан Аляхно, біятланістка Дынара Алімбекава, алімпійская прызёрка і генеральная сакратарка Нацыянальнага алімпійскага камітэту Беларусі Ксенія Санковіч, вядучая БТ Ганна Эйсмант.
У 2024 годзе (тады гімнастцы споўнілася 23 гады) Аліна пахвалілася Tesla Model Y у максімальнай камплектацыі. Пакупкай была вельмі задаволеная: «Скажу шчыра, задаволена вельмі, далікатна, хутка, плаўна, зручна і, канечне, вельмі прыгожа. Лаўлю позіркі выдатнага горада М. Прызвычайваюся да зарадак і кайфую ад кіравання (а асабліва ад аўтапілота)».
Але тады ж дадала, што не збіраецца спыняцца на дасягнутым.
Нагадаем: Аліна Гарнасько заваявала бронзавы медаль у мастацкай гімнастыцы на Алімпійскіх гульнях у Токіа. У 2020 годзе яна падпісала праўладны ліст, а ў 2021 хвалілася ў інстаграме, што паціснула руку Аляксандру Лукашэнку.
У 2023 годзе Гарнасько разам з Віктарам Лукашэнкам удзельнічала ва ўрачыстым адкрыцці крамы IROS (прэзентавалася як нацыянальны брэнд спартыўнага адзення). Аліна тады стала афіцыйным тварам новастворанага брэнду.
Жонка прапагандыста Ігара Тура пахвалілася, што муж падарыў ёй электрамабіль
Расіянін, які перамог у «Фактар.бай», спрабуе хуценька прадаць свой прыз ад БТ — уседарожнік Belgee
Максім Недасекаў выставіў на продаж машыну. Сцвярджае, што хоча набыць нерухомасць
«Да 23 гадкоў купіла другую машыну і не збіраюся спыняцца»: алімпійская прызёрка Аліна Гарнасько пахвалілася Tesla
Каментары