Аўто88

Максім Недасекаў выставіў на продаж машыну. Сцвярджае, што хоча набыць нерухомасць

Бронзавы прызёр Алімпіяды ў Токіа лёгкаатлет Максім Недасекаў спрабуе прадаць машыну і праз беларускі, і праз расійскі сайт. Колькі ж просіць?

На продаж Максім выставіў Honda Civic 2015 года выпуску. Пазначана, што машына цалкам пераробленая. Яна перафарбаваная, выдалены каталізатар, усталяваны даўнпайп, кастамныя фары тут ад Lexus. А ў салоне спартсмен абяцае вельмі добры гук, бо там усталяваны і ўзмацняльнік.

У Honda было два ўладальнікі, а прабег яе складае 159 тысяч кіламетраў. Недасекаў піша, што прадае машыну ў сувязі з набыццём нерухомасці. На беларускім сайце ён пазначыў кошт 21 тысячу даляраў, на расійскім — прыкладна на 400 даляраў больш.

Прадаць машыну Недасекаву дапамагае яго дзяўчына — гімнастка Лаліта Мацкевіч, якая сёлета паведаміла пра сканчэнне сваёй спартыўнай кар’еры.

Максім Недасекаў вядомы не толькі сваімі спартыўнымі дасягненнямі, але і палымянай любоўю да рэжыму Лукашэнкі. Праз гучныя выказванні і падтрымку вайны ён нават трапіў пад санкцыі Украіны.

Максім Недасекаў. Фота з яго інстаграма

Дарэчы, раней хадзілі плёткі, быццам бы Недасекаў мае праблемы з алкаголем, а яго залаты запас хутка сканчваецца. Іранізаваць над гэтым вырашыла нават дзяржаўная газета «СБ». Рэдактар аддзела спорту Сяргей Канашыц у інтэрв’ю распытваў спартоўца:

— Пляткараць аб тым, што ты стаў шмат выпіваць.

— Не стаў, а скончыў. Пасля смерці Таццяны Фёдараўны (трэнерка Недасекава. — НН) некаторы час сапраўды ўжываў. Як ужо казаў, было вельмі цяжка на душы, а гэта аказаўся самы лёгкі спосаб зняць напружанне і заснуць. Нават бацькі ўзялі тыдзень за свой кошт і прыехалі з Віцебску ў Мінск, каб мяне падтрымаць.

— Яшчэ адна чутка: у Недасекава заканчваецца залаты запас і хутка мы яго ўбачым з шапкай каля царквы.

— Думаю, і без царквы знайду як зарабіць. А ўвогуле, на жыццё хапае. Машыну вось прадаў, з'ехала ў Маскву мая шыкоўная BMW (тую дарагую машыну спартсмен набыў у 2021 годзе. — НН).

— Ну цяпер усё, трымайся: дакладна скажуць, што распрадаеш старыя запасы, каб неяк звесці канцы з канцамі.

— Няхай кажуць. Паглядзім, што яны заспяваюць праз год, калі даведаюцца, з якой мэтай я гэта зрабіў…

Каштавала тая BMW сапраўды нятанна — у салоне за яе прасілі прыкладна ад 100 да 120 тысяч даляраў. Адбылася размова з прапагандыстам яшчэ ў 2023 годзе.

Каментары8

  • Кэш
    10.05.2025
    Дам 7 тыс.
  • Імя
    10.05.2025
    Прадаваць машыну-дзесяцігодку В-класа з выразаным каталізатарам за 21К даляраў? Нейкі недасек, дый годзе!
  • даведка
    10.05.2025
    BMW он сам купил или ему презентовали спонсоры?

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

«Казахстанскі квартал» і новабудоўлі ў Чыжоўцы, Масюкоўшчыне, Лошыцы. Як будзе забудоўвацца Мінск3

Галоўны трэнер «Нёмана» выканаў дзіўны танец пасля перамогі ў матчы Лігі канферэнцый

«Змагла развітацца па-людску». У Польшчы ў беларускі памёр муж — яна расказала, як даставіла прах на радзіму і арганізавала пахаванне

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму11

Францыя вырашыла прызнаць Палесцінскую дзяржаву. Ізраіль заявіў, што гэта «ўзнагарода за тэрарызм»15

Каранавірус паскорыў старэнне мозгу нават у тых, хто не хварэў4

Мінскае «Дынама» без шанцаў прайграла албанскай «Эгнаціі»2

Тавары з «Пагоняй» прадавалі, нягледзячы на забароны11

Стала вядома, як рагачоўскі завод працуе на расійскую вайсковую прамысловасць5

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць