Украінскія беспілотнікі атакавалі НПЗ у расійскім Орску за паўтары тысячы кіламетраў ад мяжы
У горадзе Орск Арэнбургскай вобласці на тэрыторыі мясцовага нафтаперапрацоўчага завода пасля серыі выбухаў успыхнуў пажар. Мясцовыя жыхары публікуюць відэа з месца здарэння, на якіх бачны слуп дыму над прадпрыемствам, размешчаным больш чым за 1500 кіламетраў ад Украіны.
Губернатар рэгіёна Яўген Сонцаў пацвердзіў увядзенне рэжыму небяспекі атакі беспілотнікаў на тэрыторыі вобласці, аднак сам факт удару па НПЗ пакуль не каментаваў.
З-за пагрозы паветраных атак аэрапорты Орска і Арэнбурга часова прыпынілі прыём і адпраўку самалётаў. У горадзе працягваюць лунаць выбухі.
Паводле папярэдняй інфармацыі ўкраінскіх тэлеграм-каналаў, у выніку ўдару бяспілотнікаў на НПЗ у Орску быў паражоны комплекс гідракрыкінгу. Гэта адзін з ключавых і найбольш сучасных аб’ектаў мадэрнізацыі прадпрыемства з магутнасцю 1,6 мільёна тон на год. Комплекс прызначаны для глыбокай перапрацоўкі і вытворчасці светлых нафтапрадуктаў. Знішчэнне гэтай устаноўкі можа істотна знізіць вытворчыя магутнасці заводы.
Таксама сёння ноччу пажар адбыўся на НПЗ у Камсамольску-на-Амуры. Прычыны ўзгарання невядомыя. Расійскія паблікі пішуць, што ўкраінскія дроны даляцелі да Хабараўскага края.
Каментары