Прэзідэнт Украіны Уладзімір Зяленскі ў інтэрв'ю CNN заявіў пра крытычную нястачу ракет-перахопнікаў да сістэм СПА Patriot і заклікаў Злучаныя Штаты прадаць Кіеву частку сваіх арсеналаў.
Паводле слоў украінскага лідара, інтэнсіўнасць расійскіх атак істотна вырасла, таму для захавання жыццяў патрэбная тэрміновая дапамога партнёраў.
«У гэтым годзе ў нас у два з паловай разы менш перахопнікаў, чым было ў 2025 годзе. Расія штомесяц запускае ўдвая больш балістычных ракет, чым раней», — падкрэсліў Зяленскі.
Ён адзначыў, што ўкраінцы сутыкаюцца з маштабнымі ўдарамі некалькі разоў на месяц: «Кожную ноч адбываюцца атакі, а чатыры-пяць разоў на месяц мы падвяргаемся маштабным ударам… Гэта жахлівыя ночы. Насамрэч гэта вельмі гераічныя, вельмі стойкія людзі. Але яны стаміліся».
Каб абараніць краіну ад знішчэння і забяспечыць праходжанне зімовага перыяду, Украіне неабходны мінімальны працэнт ад амерыканскіх запасаў. «Калі яны прададуць нам 5%, мы перажывём зіму і выратуем жыцці людзей. Калі яны змогуць прадаць нам 10%, мы знішчым усе расійскія балістычныя ракеты. У мяне ёсць 1%», — патлумачыў кіраўнік дзяржавы.
Ён прызнаўся, што штодня праводзіць незлічоную колькасць перамоў, каб здабыць неабходнае ўзбраенне: «Вось чым я жыву кожны дзень: ад 1% да 5%. У мяне ёсць некалькі месяцаў і мільёны тэлефонных званкоў… Я спрабую абмяняць нешта на ракеты… Я раблю некаторыя рэчы, пра якія нават не магу расказаць. Гэта не значыць, што гэта па-за законам. Але я не магу пра гэта казаць».
Гаворачы пра рэалізацыю ініцыятыў па ліцэнзаванні вытворчасці ракет або атрыманні паставак, Зяленскі дадаў: «Я спадзяюся, што мне гэта ўдасца. Цяпер у мяне няма нават 5%, і ў мяне няма такой падтрымкі. І гэта для мяне вялікі выклік, адзін з самых вялікіх, з якімі я сутыкаўся з самага пачатку гэтай вайны».
Каментуючы магчымыя далейшыя крокі Крамля і пагрозы для іншых краін, прэзідэнт Украіны адзначыў, што Уладзімір Пуцін шукае спосабы дасягнуць хуткай перамогі: «Яму не важна, уваходзіць гэта краіна ў НАТА ці не. Ён хоча хуткай перамогі, на 100% упэўнены, што пераможа, акупуе, знішчыць або возьме пад кантроль».
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці23
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
- ці то "Зяленскі сказаў, што [якая рэч] дапаможа Украіне перажыць зіму",
- ці то "Зяленскі сказаў, што [ён] дапаможа Украіне перажыць зіму".
Напрыклад, я адразу другі варыянт прачытаў.
Вырабляць трэба мінімум у 10 разоў больш, і наўрадці гэта хутка можна нарасціць. Тут трэба нейкае стратэгічнае рашэнне, проста аддаць ракеты і агаліць супраць паветраную абарону Еўропы і ЗША гэта не выйсце.