Ён здымаўся ў многіх расійскіх серыялах.
39‑гадовы акцёр Павел Канёк трапіў у рэанімацыю пасля раптоўнага інсульту, кажуць у асяроддзі артыста. Пазней ён памёр у бальніцы.
Расказваюць, што ў Паўла былі праблемы з павышаным ціскам, ён шмат часу аддаваў працы.
Развітанне з акцёрам пройдзе заўтра ў яго родным Гомелі.
Павел Канёк з 17 гадоў выступаў на сцэне Гомельскага драматычнага тэатра. Ягоны талент заўважыў расійскі акцёр Ігар Ясуловіч, пасля чаго Канёк паступіў у ВДІК і вучыўся ў яго.
Пасля заканчэння інстытута ў 2010 годзе акцёр працаваў у маскоўскім тэатры «Камерная сцэна», а з 2015 года — у «Масканцэрце». У 2020‑м ён вярнуўся ў Беларусь і далучыўся да трупы Гомельскага маладзёжнага тэатра.
За сваю кар'еру Павел Канёк зняўся больш чым у 20 фільмах і серыялах, у тым ліку ў расійскіх праектах «След», «Адвакат», «Універ» і іншых.
У яго засталіся жонка і маленькая дачка.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары