У Мінску на адной са спартыўных пляцовак заўважылі незвычайных «футбалістаў» — варон, якія гулялі з мячом, піша «Анлайнер».
Скрыншот з відэа
На відэа, апублікаваным у Threads, відаць, як адна з птушак упэўнена катае мяч дзюбай і нават нібыта адпрацоўвае вядзенне.
Ролік хутка сабраў сотні каментароў. Карыстальнікі жартавалі, што перад імі «перароджаныя Марадоны», будучыя форварды зборнай Беларусі і вароны, якія жывуць сваё найлепшае жыццё.
Дарэчы, крумкачовыя птушкі лічацца аднымі з самых разумных птушак. Яны могуць запамінаць чалавечыя твары, разгадваць галаваломкі і рабіць простыя статыстычныя высновы. Нягледзячы на адносна невялікі мозг, у іх каля 1,5 мільярда нейронаў, што забяспечвае высокія кагнітыўныя здольнасці.
Цяпер чытаюць
Беларуска, уласніца рэстарана ў Батумі, апынулася ў цэнтры скандалу з сабакамі13
Каментары