Грамадства1717

У Кобрыне тата пасадзіў 12‑гадовую дачку не ў тую маршрутку, а кіроўца хацеў высадзіць яе ў чужым горадзе

«А мы ж у Брэст едзем?»

Ілюстрацыйны здымак. Фота: lookby.media

12‑гадовая дзяўчынка ў Кобрыне праз памылку бацькі села не ў тую маршрутку. Пра тое, што едзе зусім не туды, дзіця зразумела толькі па дарозе. Пра гэты выпадак у Threads распавяла адна з пасажырак, якая заступілася за дзяўчынку і не дазволіла кіроўцу кінуць яе адну.

Жанчына ехала маршрутам Брэст — Гродна. У Кобрыне побач з ёй села дзяўчынка-падлетак. Спачатку нічога не выклікала падазрэнняў, але праз некаторы час жанчына заўважыла, што дзіця ўсё больш занепакоена глядзіць у карту на тэлефоне.

«Едзем далей. Я адным вокам гляджу — яна ўвесь час у тэлефоне карты разглядае, і вочы ўсё больш і больш спалоханыя».

Калі маршрутка ўжо набліжалася да Пружан, дзяўчынка нарэшце спытала: «А мы ж у Брэст едзем?»

Спачатку пасажырка нават падумала, што гэта жарт. Але высветлілася, што дзяўчынцы сапраўды трэба было ў Брэст. У Кобрыне яе пасадзіў у маршрутку бацька — і, відаць, не быў не надта пільным наконт таго, куды менавіта яна едзе. «І тут аказваецца, што ёй рэальна трэба ў Брэст і яе на гэтую маршрутку тата!!! Тата бл**ь пасадзіў! С*ка, дарослы чалавек не змог бл**ь дзіця пасадзіць у патрэбную маршрутку!»

На самой маршрутцы, як адзначыла аўтарка допісу, кірунак Гродна быў пазначаны буйнымі літарамі.

Дзяўчынка ледзь не расплакалася. Яна хацела выйсці з маршруткі, але пасажырка пераканала яе не рабіць гэтага і спачатку вырашыць, што рабіць далей.

Пра сітуацыю паведамілі кіроўцу. І яго першая рэакцыя, паводле расказу жанчыны, была простай: «Ну, выходзь, значыць».

Гэта асабліва абурыла пасажырку. 12‑гадоваму дзіцяці прапаноўвалі застацца ў незнаёмым горадзе. «Ёй 12! Палова дзясятай дзіця ў незнаёмым горадзе!» — абурылася жанчына.

На здзіўленне кіроўцы, не везці ж яму дзяўчынку ажно ў Гродна, пасажырка адказала яшчэ больш рашуча: «Трэба будзе — павезяце».

У выніку пад ціскам кіроўца пайшоў у дыспетчарскую высвятляць, як можна вырашыць сітуацыю. Дзяўчынка здолела дазваніцца бацьку, і той выехаў па яе ў Пружаны. Пакуль ён дабіраўся, дзіця засталося пад наглядам супрацоўніцы аўтавакзала.

Пасажырка таксама ўзяла нумар дзяўчынкі і папрасіла паведаміць ёй, калі бацька забярэ дзіця.

У каментарах гісторыя выклікала вялікае абмеркаванне. Адны хвалілі жанчыну, якая не засталася абыякавай, іншыя абураліся паводзінамі бацькі і кіроўцы. 

Сама аўтарка гісторыі на пахвалу адрэагавала словамі: «Мне здаецца, ні адзін нармальны чалавек не прайшоў бы міма».

Каментары17

  • куд-куды
    31.08.2026
    куды ён яе адпраўляў на ноч гледзячы?
  • политзек
    31.08.2026
    что водитель, что папаша - просто имбе***лы!!!
  • чужой город
    31.08.2026
    ""водитель хотел высадить ее в чужом городе"
    а Гродно для нее разве не чужой? Разве что переночевать гостиниц больше, чем в Пружанах (если там вообще есть), но зато из Пружан ближе назад ехать

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць