Нацыянальная акадэмія навук Беларусі паведаміла, што 1 верасня памёр вядомы беларускі навуковец, акадэмік Аляксандр Ільюшчанка. Яму было 70 гадоў.
Аляксандр Ільюшчанка нарадзіўся 26 мая 1956 года ў Мінску. У 1978 годзе ён скончыў Беларускі політэхнічны інстытут і пачаў працаваць у сферы навуковых даследаванняў. За гады кар’еры прайшоў шлях ад інжынера да кіраўніка лабараторыі і аддзялення, а ў 1997 годзе ўзначаліў Інстытут парашковай металургіі. З 2005 года быў генеральным дырэктарам дзяржаўнага навукова-вытворчага аб’яднання парашковай металургіі.
У 2009 годзе Ільюшчанка стаў членам-карэспандэнтам Нацыянальнай акадэміі навук Беларусі і ўвайшоў у склад яе Прэзідыума. З 2021 года ён стаў акадэмікам НАНБ. Таксама ён быў акадэмікам Беларускай інжынернай акадэміі і ўваходзіў у рэдакцыйныя калегіі шэрагу навуковых часопісаў.
Асноўныя даследаванні вучонага былі звязаныя з парашковай металургіяй, кампазітнымі матэрыяламі і газатэрмічнымі пакрыццямі. Ён займаўся распрацоўкай новых тэхналогій стварэння ахоўных пакрыццяў, здольных працаваць пры высокіх тэмпературах, а таксама новых матэрыялаў для газатурбінных рухавікоў, энергетычнага абсталявання і нафтахімічнай прамысловасці.
Ільюшчанка распрацаваў шэраг новых кампазітных матэрыялаў, метала-керамічных і керамічных парашкоў, а таксама матэрыялаў з павышанай трываласцю і зносаўстойлівасцю. Яго даследаванні сталі асновай для развіцця новага кірунку — парашковага высокатэмпературнага матэрыялазнаўства.
Аляксандр Ільюшчанка быў аўтарам больш як 550 навуковых работ, у тым ліку 17 манаграфій і кніг, а таксама 55 вынаходніцтваў.
У 2001 годзе ён стаў лаўрэатам Дзяржаўнай прэміі Рэспублікі Беларусь за працу, прысвечаную ахоўным парашковым пакрыццям. У 2006 годзе быў узнагароджаны медалём Францыска Скарыны.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары