Nacyjanalnaja akademija navuk Biełarusi paviedamiła, što 1 vieraśnia pamior viadomy biełaruski navukoviec, akademik Alaksandr Iljuščanka. Jamu było 70 hadoŭ.
Alaksandr Iljuščanka naradziŭsia 26 maja 1956 hoda ŭ Minsku. U 1978 hodzie jon skončyŭ Biełaruski politechničny instytut i pačaŭ pracavać u śfiery navukovych daśledavańniaŭ. Za hady karjery prajšoŭ šlach ad inžyniera da kiraŭnika łabaratoryi i adździaleńnia, a ŭ 1997 hodzie ŭznačaliŭ Instytut paraškovaj mietałurhii. Z 2005 hoda byŭ hienieralnym dyrektaram dziaržaŭnaha navukova-vytvorčaha abjadnańnia paraškovaj mietałurhii.
U 2009 hodzie Iljuščanka staŭ členam-karespandentam Nacyjanalnaj akademii navuk Biełarusi i ŭvajšoŭ u skład jaje Prezidyuma. Z 2021 hoda jon staŭ akademikam NANB. Taksama jon byŭ akademikam Biełaruskaj inžyniernaj akademii i ŭvachodziŭ u redakcyjnyja kalehii šerahu navukovych časopisaŭ.
Asnoŭnyja daśledavańni vučonaha byli źviazanyja z paraškovaj mietałurhijaj, kampazitnymi materyjałami i hazatermičnymi pakryćciami. Jon zajmaŭsia raspracoŭkaj novych technałohij stvareńnia achoŭnych pakryćciaŭ, zdolnych pracavać pry vysokich tempieraturach, a taksama novych materyjałaŭ dla hazaturbinnych ruchavikoŭ, enierhietyčnaha abstalavańnia i naftachimičnaj pramysłovaści.
Iljuščanka raspracavaŭ šerah novych kampazitnych materyjałaŭ, mietała-kieramičnych i kieramičnych paraškoŭ, a taksama materyjałaŭ z pavyšanaj tryvałaściu i znosaŭstojlivaściu. Jaho daśledavańni stali asnovaj dla raźvićcia novaha kirunku — paraškovaha vysokatempieraturnaha materyjałaznaŭstva.
Alaksandr Iljuščanka byŭ aŭtaram bolš jak 550 navukovych rabot, u tym liku 17 manahrafij i knih, a taksama 55 vynachodnictvaŭ.
U 2001 hodzie jon staŭ łaŭreatam Dziaržaŭnaj premii Respubliki Biełaruś za pracu, pryśviečanuju achoŭnym paraškovym pakryćciam. U 2006 hodzie byŭ uznaharodžany miedalom Francyska Skaryny.
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač2
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1515
Kamientary