Прэзідэнт Украіны Уладзімір Зяленскі пасля сустрэчы са спецыяльнымі прадстаўнікамі Дональда Трампа заявіў у інтэрв'ю выданню Axios, што атрымаў ад іх паведамленне пра гатоўнасць Расіі вярнуцца да перамоў.
6 верасня ў Кіеве Зяленскі сустрэўся са Стывам Уіткафам і Джарэдам Кушнерам. Напярэдадні яны правялі сустрэчу ў Маскве з Уладзімірам Пуціным.
Па словах Зяленскага, амерыканскія прадстаўнікі перадалі, што расійскі бок гатовы абмяркоўваць далейшае прасоўванне перамоўнага працэсу.
Аднак украінскі прэзідэнт застаецца адносна гэтага скептычным, бо дзеянні Расіі на фронце і ўзмацненне атак не выглядаюць як падрыхтоўка да кампрамісу.
Разам з тым пасля размоў з Уіткафам і Кушнерам Зяленскі зрабіў выснову, што Пуцін гатовы абмяркоўваць пэўныя ідэі, якія могуць дапамагчы разблакаваць перамоўны працэс.
Ён таксама расказаў, што амерыканскія прадстаўнікі прывезлі некалькі новых прапаноў. Частка іх тычылася магчымых крокаў для зніжэння напружанасці з боку Расіі і Украіны напярэдадні зімы і ў яе перыяд. Сярод тэм, якія абмяркоўваюцца — энергетычная інфраструктура, пастаўкі збожжа, электраэнергетыка, а таксама нафта і газ.
Зяленскі пацвердзіў, што амерыканскі падыход прадугледжвае адначасовае аднаўленне перамоў і пошук дамоўленасцяў, якія дазволілі б прайсці зіму без новай сур'ёзнай эскалацыі. Мэта, паводле яго слоў, — знайсці меры, здольныя наблізіць бакі да міру.
Акрамя таго, ЗША падтрымліваюць стварэнне асобнага «зімовага пакета» дапамогі для Украіны. У яго плануюць уключыць падтрымку супрацьпаветранай абароны і энергетычнага сектара, а таксама пастаўкі звадкаванага прыроднага газу і магчымыя крокі па дээскалацыі.
Тым часам крыніца ў Елісейскім палацы паведаміла выданню «Еўрапейская праўда», што Пуцін, паводле іх інфармацыі, можа быць гатовы пачаць новы этап мірных перамоў пасля парламенцкіх выбараў у Расіі, якія пройдуць 18—20 верасня.
Пасля сустрэчы ў Кіеве прадстаўнікі Францыі, Германіі і Вялікабрытаніі разам з украінскімі калегамі таксама дамовіліся ў найбліжэйшыя тыдні падрыхтаваць умовы і прапановы для наступных перамоў з Расіяй.
Сталі вядомыя дэталі перамоў з Уіткафам і Кушнерам у Кіеве
У Маскве і Кіеве пракаментавалі візіт Уіткафа і Кушнера
Трамп сёння будзе размаўляць з Зяленскім і Пуціным
Зяленскі расказаў пра перамовы з пасланцамі Трампа
Уіткаф і Кушнер ацанілі сустрэчу ў Кіеве. Зяленскі падарыў ім футболкі з надпісам «Київський режим»
Уіткаф і Кушнер упершыню прыехалі ва Украіну
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары