Спецыяльныя прадстаўнікі Дональда Трампа ўпершыню наведалі Украіну — пасля перамоваў з Уладзімірам Пуціным у Маскве. Яны прыехалі на цягніку.
Стыў Уіткаф і Джарэд Кушнер 6 верасня прыбылі ў Кіеў. На вакзале амерыканскую дэлегацыю сустрэлі кіраўнік Офіса прэзідэнта Украіны Кірыл Буданаў, кіраўнік Службы знешняй разведкі Рустэм Умераў і кіраўнік фракцыі «Слуга народа» ў Вярхоўнай Радзе Давід Арахамія.
Амерыканскія прадстаўнікі прыехалі цягніком.
«Расіяне не далі амерыканскай дэлегацыі прыляцець самалётамі, хоць нашы аэрапорты былі гатовыя», — заявіў Уладзімір Зяленскі.
Напярэдадні Расія нанесла ўдары па аэрапортах у Кіеве і Барыспалі. Зяленскі назваў іх мэтанакіраванымі і звязаў з падрыхтоўкай магчымага прыбыцця амерыканскіх перамоўшчыкаў паветраным шляхам.
Незадоўга да прыезду дэлегацыі Зяленскі правёў нараду з украінскай перамоўнай групай і паведаміў, што прапановы Кіева падрыхтаваныя.
Гэта першы візіт Уіткафа і Кушнера ва Украіну. Раней яны сустракаліся з украінскімі прадстаўнікамі толькі за мяжой. Напярэдадні амерыканскія перамоўшчыкі правялі сустрэчу з Пуціным у Маскве.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра1616
Каментары